¤ô§ô ~أحلى تجمع حوامل التوأم 2011~ ô§ô

[الياه]

هلا وغلا وهلا وغلا بنور المنتدى

غرووووووومه

فديت روحج، أخبارج وشو الهمه أن شاءالله
واصلة للقمة بشوووق لشوفة أحلى توينز

كل يوم يوم ما تمرين أقول أن شاءالله ربيتي بالسلامة
واتفاجئ بطلتج الحلوة
اللي بنفتقدها حيــــــــل يوم يشرفووون حبايبنا
اللي يتغلون علينا

اتصدقين من كثر ما كنت متأكدة أنج بتربين أول التاسع
عطيتيني أمل أني أربي مثلج
بس الحين شلة الفكرة وشكلي بربي في
الأسبوع الأربعين جان مب 41 هههههههه

حبيبتي يوم قلت لج عن الخروع
ما نصحتج تشربين غرشة بكبرها!!!

وأنا ما خذته إلا يوم نصحتني في دكتورتي
ملعقة وحده بس
عقب ما امشي المسى
والحمدلله تيسر أمري

في النهاية الوحدة منه في هالفترة وايد تكون متخوفة
وماتحب تجرب شي مشكوووك في أمره


وعن اللعب، أذكر الكل ينصحني بها النصيحه
وأنا مالي خاطر ومافيني حيل على لعب وغيره
ما ننلام من التعب
بس الأكيد أنه مفعوله سحري<<< حلوه سحري عيبتني
أذكر يوم في بنتي خلصت التاسع الدكتورة
تنصحني فيه
وهالله هالله بالعب

وبعدين إذا ياج الطلق
أنصحج ما تعلمين أحد
في بنتي كنت واصلة المستشفى وأنا بموت من الويع
وعلى دخلتني ، اتصلت حرمة على الوالدة
وأمي على ويها قالت لها يايين المستشفى بتربي الياه
وعينج ما تشوووف إلا النور
في غرفة المعاينة يقسون الانقباضات
ولا تقلص ابد، وقف الطلق لمدة نص ساعة
واختي تقول اتقصين علينا
وأنا بموت من الغصة
بس كل هذا لأنه في حد عرف بولادتي
يقولون يشيلون الطلق عنج يوم يعرفون
وعقب تبطل الماي وعلى طول ودوني غرفة الولادة

كأني وااااايد تفلسفت ههههههه
ما صدقت ألتقي وياج


وأن شاءالله، الله يكتب لج ولادة ميسرة سهلة في وقت محد درابج