يابكريه لاتخافين من الولاده(تعالي أحكي لك)

[ღ ﮔـبر ياء أטּــثـى ღ]

إقتباس:
السلام عليكم اختي الحلم الوردي
اولا الحمدلله على سلامتك والف مبروك ماجبتي الله يجزاك الجنه على اسلوبك الرائع

ماشاء الله انا بكر وبولد بعد شهرين باذن الله ومتوكله على الله وحده سبحانه وساده اذاني عن كلام الحريم وتهويلهم ومبالغتهم في وصف الولاده
وانا ماخذه نصيحة الوالده الله يطول عمرها ياااااااااااااااارب دايم تقول ساعه من الغني تغني يعني ساعه من ربي ويسهل علي سبحانه ودايم اردد نفس دعوتك كل ماسجدت رب سهل علي حملي وولادتي وكل مسلمه
المهم ابسالك الله يوفقك وشلون اعرف ان الولاده صدق جت يعني متى اروح للمستشفى اول ماشوف المويات او اذا حسيت بمغص وبعد ابسالك وشلون ادفع هالشي دايم محيرني اتمنى اني ماازعجتك باسئلتي الله يفرج لك الرجو الرد على الخاص اي وقت تشوفين الرساله ومشككككككككوره مقدما وسخر الله للك زوجك ياااااارب دعواتك لي

وعليكم السلام ورحمة الله وبركاته

ويااهلا وغلا بك يااقلبي

ربي ييسر لك حملك وولادك وعلى كل مسلمه
وتقر عينك وعين كل مسلمه بشوفة ضناها سليم معاافااا

شوفي حبيبتي للولاده مجموعه من الأعراض ومالها ترتيب معين
ويختلف من وحده لوحده لكن بمجرد ماتشوفين وحده من الأعراض فهذي ولاده بإذن الله ..

الأعراض
1/ نزول ماده لزجه وكل مامسحتي بالمنديل تنزل
هذي السداده اللي قافله الرحم بدت تنزل
2/ نزول المويه عليك يمكن بكميات قليله أو كثيره يختلف من وحده لوحده
لكن بمجرد ماتشوفين مويه لو شوي روحي على طول علشان ماتقل على الجنين
ولاسمح الله يتأثر ..
3/ الطلق/ وهو عباره عن مغص متواصل مثل مغص البرد والدوره نفس المكان يعني هو بيكون أشد من ألم الدوره بشوووووووووي بس

هذي الـثلاث علامات معناااهااا خلااااااااص الولاده على وشك ..

بخصوص طريقة الدفع الصحيحه ..

أول ماتحسين إنك تبغين تتبولين الله يكرمك اعرفي ان هذا البيبي يدفع
وانتي اصلا ماتبغين الحمام ولاشي بس هذا البيبي يبي يطلع
أنتي ساعديه وأدفعي
طريقة الدفع الله يسلمك مثل بالضبط طريقة الإخراج الله يكرمك
كأن عندك إمسااك وانتي تضغطي على نفسك<=إن شاء الله الشرح واضح

الطلق بيجيك قبل كل مره بيدفع فيها البيبي

بإختصار كذا الولاده

طلق(مغص)=>دفع البيبي كأنك تبغين تتبولين+دفعك مع البيبي=>فترة راحه بين كل طلق وطلق

طبعاً العمليه السابقه ممكن تتكرر مره مرتين ثلاث عاااد أنتي وقوتك بالدفع
كل ما دفعتي أقووى ماعندك يطلع أسررررررررررررررع

أبد تخيلي إنك بالحمام وعندك إمساك

خلال الولاده وانتي تدفعين حاولي تاخذين نفس سريع وسطحي مو عميق
واذا وقف البيبي دفع خذي نفس عمييييييييق

واذا رجع ودفع (كأنك بتتبولين) اضغطي وأدفعي معاه

وسلامتك

المغص وجربتيه من قبل من الدوره والبرد
والإمساك جربتيه من قبل

يعني عملية الولاده مو شي جديد عليك بس بجهد أكثر شوي


وبعد كل هـــــــــــــذا بتسمعين صووووووووووووووت يقوووووووووول


واااااااااااااااااااااااااااا
واااااااااااااااااااااااااااا
واااااااااااااااااااااااااااا

هذا طول الله عمرك ماله إلا تفسير واحد

مبرووووووووووك أنتي أم وهذا طفلك

وشووووفي حبيبتي أي سؤال عندك

ابشرررررررررري من عيوووووني والله

أساااااااااااااعدك باللي أقدر عليه

ولايردك شي وأنا أختك

إقتباس:
المشاركة الأصلية كتبت بواسطة السيده سبورتيه
الاخت الحلم الوردي كلامك وصف دقيق جدا واوافقك عليه ما عدا نقطه واحده ...
بعد الخياطه بثلاث او اربع ساعات لازم نجلس عالكرسي عشان الخيوط ما تنشد مره وعشان نقدر نجلس عالكنبه بعد مده وجيزه من الولاده وبكل سهوله ...
طبعا انا لما كنت بكر ما جلست ابد من الخوف الشديد ... وربي اني طلعت من النفاس ما اقدر اجلس زين وغالبا احط تحتي وساده !!!!
اما الثاني نبهتني زميلتي وجلست على طول والحمد لله صرت اجلس نوعا ما بكل سهوله ....
وجزااااااااك الله خير ...




هلا وغلا بك حبيبتي ..

أنا ماكنت أجلس يوم ولدت

تعرفين الجلسه وانتي مرجعه ظهرك ورى كأنك مريحه ظهرك أنا كذا بالمستشفى كنت أجلس لاجاني أحد

أما الجلسه العااديه اللي بزاوية90 درجه أبد ماجربتها لين خلصت الأربعين
والحمدلله بعد ماخلصت نفاس أجلس عادي
كنت أجلس بالتدريج وما أطوول يوم بديت أجلس عادي
وبعدين الحمدلله وضعي عادي وطبيعي جداً
وكثييييييييير نبهوني على جلستي وحركات عشان الخياطه لاتخرب وأرجع أعيدها من جديد

بصراااحه أنا ماني مع الجلووس بعد الولاده بساعات

انا مع المشي بعد الولاده بساعات بس
شكراً لك ولمرورك حبيبتي


إقتباس:
المشاركة الأصلية كتبت بواسطة آهات الشمري
يعطيك العافية اختي على موضوعك وانا بكرية وخاااااايفة بس سوالفك تطمن الله يطمنك
المهم عندي سؤال انا بالشهر التاسع وعلى وشك ولادة وبكرية و اسمع كثير عن الخياطه
الداخلية والخارجية التجميلي و انها افضل من الخياطة العادية انتي سويتها وعادي اسويها
ردي علي وكني اختك ابي نصيحة ماتأثر علي




الله يعاافيك يااااقلبي ..
وربي يبعدك عنك الخوف ويطمن قلبك
شووفي أختي أنا بصراحه مدري وش الفرق بين الخياطه التجميليه والعاديه
لكن اللي اعرفه ان فيه بنات بعد ماتولد وتطلع من الأربعين تروح تسوي خياطه تجميليه على قولها

أبعرف ليييييييييييييه ما أهتمت الوحده بنفاسها وأرتااحت من كثر الخياطات؟؟؟
حبيبتي أنا ماسويت إلا خياطه وحده بس يوم ولدت ولكن كنت حريييصه كل الحرص بنفاسي
ماكنت أجلس
ماكنت أتحرك حركات مفاجئه وسريعه يعني ما أقوم بسرعه أو أنسدح بسرعه
كنت على أقل من مهلي
كنت الله يكرمك أتشطف بمويه وملح واستخدم الابريق ما أستخدم الرشاش أبد أبد لأن دفعه قوي وممكن يإثر على الخياطه
كنت أتغذى وأكل زين عشان الخياطه تنلم بسرعه
كنت أكل من البيت وأسمع كلام أمي بالحرف الواحد اذا قالت كلي من هذا أكل منه لو انه مايعجبني
كنت أكل شي مغذي(لحوم/قرصان/كبده مره بالأسبوع/خضار فاكهه/ماش/مصابيب/محلايه/قهوه قشر ..وغيرها من الأكلات الشعبيه )
كمان كنت أحررررص ما أجوع أبد أبد أبد
كنت أشرب أشياء دافيه
وبعد 21 يوم من الولاده كنت ع الريق بالصباح أكل تمر معجون برشاد واشرب قهوه قشر

بأختصر لك الكلام كله بنقطتين يعني

1/لا تتحركين حركات مفاجأه ولاتجلسين وخليك متسدحه وأمشي لو 5 دقايق بالبيت كل ساعتين او ثلاث وانتبهي لاتبردين وأهم أهم أهم شي اذا طلعتي من غرفة الولاده اخلي الحمام الله يكرمك وتبولي حتى لو ماتبغين الحمااااااااااام
بينزل دم كثير عااااااااااااااااااااااااااااا ااااااااااااااااااااادي جـــــــــــــداً وانتي بالحمام سوي مسجاج خفيف عشان أكبر كميه من الدم تطلع الله يكرمك
واحرصي على نظافة المنطقه وجفافها وتشطفي بمويه وملح كل مادخلتي الحمام
الأيام الأولى كل ساعتين تقريباً او ثلاث محتاجه تغيرين الفوطه
ومع مرور الأيام تقل كمية الدم

2/ الأكل ثم الأكل ثم الأكل لا أوصيك فيك
أنا ماا أقووول كلي كثييييييييير لاااااااااااا

لكن أعرفي وش تاكلين كلي المفيــــــــــد وبس
وخليك من الوجبات السريعه والمشروبات الغازيه واي شي غير مفيد

والحمدلله لك يارب وماشاء الله تبارك الرحمن حياتي مثل ماهي عليه قبل لا أولد ماتغير شي<= اتمنى فهمتي المقصد
حبيبتي يااارب أكون أفدتك ..
وأي سؤال ابشررررري من عيووني ولايردك شي
ربي يقومك بالسلامه انتي والنونو وكل بنات المسلمين
اللهم آمين يارب العالمين..
ولاتنسين حبيبتي بشرررررررررينا عنك