يابكريه لاتخافين من الولاده(تعالي أحكي لك)

[ღ ﮔـبر ياء أטּــثـى ღ]

إقتباس:

المشاركة الأصلية كتبت بواسطة ـــــ(ميريام)ـــــ

عندس كم سؤال اختي وياليت توسعي صدرك علي :

ايش افضل فوط تتحمل كمية دم بعدالولاده يعني اخذها بشنظة المستشفى

انتي ذاكره مرهم هل على طول بستخدمه لان الي والده طبيبعي على طول تطلع

وانتي ذكرتي ان الدكتوره تقول لك انتبهي لاتقفلي رجولك ليه هم مايربطو لكرجولك

وش ربطتي بطنك فيه

سؤال جدجد محرج هل فكرتي تحفين المنطقه دائم اهوجس بهل شي

وبالنسبه للتشطيف بالمويه والملح شلون اجلس فيه يعني ومتى ابد فيه اذا طاحت الخيوط

هلا بك أختي .. وحيآك الله ..

أختي أفضل فوط بالنسبه لي هي اللوتس مررررررره حلوه وتتحمل

وباليومين الأولى بتحتاجين تحطيت فوطتين على بعض بالذات أول ماتطلعين من غرفة ولاده وهذا شي طبيعي جداً جداً ..وأهم شي أول ماتطلعين من غرفة الولاده تروحين الحمام الله يكرمك وراح ينزل دم كثير وانتي تتبولين ( الله يكرمك)وهذا طبيعي جـــــــــداً ..

خيتو بخصوص المرهم مااستخدمته على طول لأن في البدايه كان مفعول المخدر لسى ماراح

بس بعدين استخدمته يوم حسيت الخياطه شدت علي شوي يمكن بعد اسبوع من الولاده

بس انصحك من البدايه استخدميه من بعد الولاده على طول تشطفي وامسحي ع الفوطه عشان ماتحسين بأي شي

أنا استخدمت مرهم ريالوكين مرررررررره ريحني الحمدلله

وبخصوص رجلي لا أبد ماربطوا رجلي ولاشي ولا أحد مسكها ولا حاجه

بس سبحان الله الوحده غصب عنها تفتح رجلها تحس بشي بيطلع

ومن حرص الوحده على راس طفلها عمرها ماراح تقفل رجلها ..

خيتو وبخصوص بطني ماربطته .. ماكان لي خلق

بس يوم سألت اللي ولدتني قالت اربطيه بشماغ من اليوم الثالث أو بعد أسبوع

وبخصوص الحلق من تحت كنت أحرص كل أسبوع أحلق من دخلت التاسع وكنت أستخدم مرايه عشان أقدر أشوف

ويوم جات الدكتور توسع سوت زيادة تنظيف أكثر تقول عشان لما نخيط لازم مايكون فيه شعر بالمررررررررررره

يعني هم اذا شافوا إن الوضع يستدعي إزاله هم راح يزيلونه

أما بخصوص المويه والملح كنت طبعاً ما أقدر أجلس طبيعي عشان الخياطه بس متسدحه أو على جنبي

وكنت أستخدم أبريق وأحط الملح والمويه الدافيه وأتشطف فيه..

أختي اتمنى أني أفدتك وأنا تحت الخدمه بأي سؤال عزيزتي

إقتباس:

المشاركة الأصلية كتبت بواسطة ريماسه المنحاسه

مرحبا اختي

قووولي امييييييين الله يسعد قلبك ويخلي لك بنتك ويوفقك

وربي كلامك له اثر كبير طمنتيني انا بكريه ودخلت العاشر من امس

نفسيتي مش ولا بد ودي اولد واخلص وخايفه اطووول بعد

الدكتوره قالت لو ماولدتي تعالي الخميس مراجعه نفسي اولد اليوووم واخلص من الهم

تنصحيني اشرب زيت الخروع والا اصبر للخميس واسألها؟؟

آمين يارب العالمين

اختي نصيييييحه خلك من الاعشااب والمشروباات ترى ماتناسب الكل

في ناس تقفل أرحامهم والسبب هالمشروبات

أختي أنصحك بـ 4 اشياء..

1/ التوكل على الله والإلحاح بالدعاء وأدعي لكل حامل ربي يفرج همها

لأن مثل ماتدعين لأختك المسلمه ترد الملائكه بما معناه وتقول ولك نفس مادعيتي لهاا

2/ امشي بس لاترهقين نفسك لاتعبتي ارتاحي

واذا ارتحتي ارجعي أمشي

3/كلي تمر وهالشي ذكر بالقرآن يوم مريم جاها المخاض

4/مويه مقري عليها ولاتنسين أقري اذكار تسهيل الولاده سوي بحث بقوقل عنهاا

ووقت الولاده اقري سورة الزلزله والانشراح

أنا يوم رحت أولد بغرفة الولاده معلقين سورة الزلزله

وشيخ قال لأبوي الله يحفظه ويرجعه لنا بالسلامه(آمين يارب العالمين) قال خلها تقرى سورة الزلزله والانشراح

وأهم شي قفلي أذنك عن كلام النااااااااااااااااس

وعن صيااااااااااح ومناااحة اللي يولدون

و وفري جهدك لدفع طفلك

وأختي أنا زيك دخلت العااشر بدوون أي اعراض

والحمدلله جت الاعراض ورى بعض ماشا الله تبارك الرحمن وولدت بالسلامه ياربي لك الحمد والشكر

ربي يفرحنا فيك أختي ..واستااانسي بأي لحظه بتصيرين أم بإذن الرحمن

إقتباس:

المشاركة الأصلية كتبت بواسطة حبي دودو

الله يريحك ويحميك ويخليلك زوجك وبنتك يارب

مثل ما سهلتيها عليه وعلى كل بكريه

عندي سؤال يمكن يكون سخيف بس منك السموحه .. النونو اذا طلع راسه ع طول يبكي وتعرفين انه بخير والا متى يبكي وكيف تعرفي انه بخير ؟

وشكرا مقدما والله اني اسألك وانا مستحيه من السؤال بس من جد ما اعرف واستحي من امي واخواتي الكبار مقدر اسألهم وانت حسبت اختي الله يجزاك الجنه

تسلمين حبيبتي ..

خيتوو بخصوص النونو أنا بنتي مابكت على طووول طلعت سااكته لفتره قصيره وبعدها فكككت بالصوووت وصيااااح

ومو شرط يطلع النونو يبكي ..

وأول مايطلع ينظفون خشمه والمجرى حق التنفس ويقطرون بعيونه

ويمكن بعد كذا يصيح

وأي سؤااااال أسأألي أختي وأنا تحت الخدمه باللي أقدر عليه

ربي يقومك بالسلامه أنتي والنونو

آمين يارب العالمين

على فكره خيتوو حبي دودو ..

أول مايولد النونو ياخذون عينه دم من المشيمه عشان يتأكدون من سلامة النونو..

وأصلاً بنفس الغرفه أول مايولد النونو وجنبك في سرير له خاااااص ..

ينظفوونه ويشيكون عليه ويلبسونه ويطلع معك على الغرفه بعد الولاده

وبعد كذا تجي وحده وترووشه

إقتباس:

المشاركة الأصلية كتبت بواسطة حبي دودو

تسلمين ياقلبي ع سعة صدرك وع الشرح بس انا اشوفهم بالمسلسلات يضربونه بخفه ع قفاه بعدها يبكي ؟..... لازم ينضرب ؟ لانه لو احد ضربه بأقوم اصفقه....

وبالنسبه للخلايا الجذعيه اللي يقولوا عليها وياخذونها من دم الحبل السري .. هل هذا الشي موجود بالمستشفيات بالرياض ؟؟؟

وسؤال ثاني ياقلبي انا من اول حملي الصداع ملازمني .. كنت اظنه فقر دم .. بس الحمد لله الدم زين ... بس هل هذا الشي طبيعي ؟

سوري طولت عليك ....

ياهلا وغلا بك حبيبتي ..

خيتوو بخصوص الضربه ع القفااا

للأمانه والله مانتبهت لأن لحظتها الرجل مرفوعه ومدري اذا أول ماطلعت بنتي سوا لها كذا أو لا

بس انتبهت انها ماسكتها بالمقلوب

خيتوو بخصوص الدم اللي يسحبونه فهو من المشيمه عشان يتأكدون من سلامة الطفل لأن كل شي يبان بدم الطفل

وأتوقع ان هالشي بكل المستشفيات بدل مايعذبون الطفل وياخذون التحليل منه أسهل لهم من المشيمه

خيتوو كل وحده حملها يختلف عن الثانيه والاعراض والوحم ..

أنا كان وحمي نووم في نووووم ولو أطول مانمت أحس اني داااايخه وراسي مصدع وراايحه فيهاااا

وكنت أحيان أنام 14 ساعه متواااااااصله وأقوم وأنا لسى نعسانه

حتى أحس جسمي مكسر ومابقى وضعيه مانمتها يمين يسار ظهر كل شي

ودام تحاليلك سليمه فمعناه إن الصداع شي طبيعي ..

وترى الحمل عليه طلعاااااااااااات غرررريبه

اللي تتوحم تاكل طين ..

واللي تكره بيتهاااا ..

واللي تكره ريحة الطبخ ..

واللي تدمن على أكل معين ..

وشــــــــي عجيب ومضحك بنفس الوقت ..

بس غصب ع الوحده

ربي يقومك بالسلامه خيتو انتي والنونو وأي سؤال عندك لايردك شي حبيبتي

إقتباس:

المشاركة الأصلية كتبت بواسطة حبي دودو

الحلم الوردي ....

الله يعطيك الف عافيه ماقصرتي حياتي ..

وربي يعينني ع الصداع ...

بالنسبه للخلايا الجذعيه انا قصدت وجود بنك لحفظ الخلايا الجذعيه مثل اللي موجود في جده ....بإختصار ايش معنى الخلايا الجذعية

هيه عباره عن خلايا غير متخصصه وتقدر تتخصص لاي نوع من الخلايا

في الجسم فبالتالي تعوض عن الخلايا المريضه أو المتهتكه وتعالج المرض بإذن الله

في جده فتح مركز

هو مركز متخصص لتخزين هذا النوع من الخلايا واللي تؤخذ من الحبل السري

فدم الحبل السري مليء بهذه الخلايا

وتخزن في المركز المؤهل جيدا للحفظ لمدة قد تصل إلى 25 سنه

طبعا إذا الطفل لا سمح الله احتاج للعينه او اي احد من اهله يقدر يستفيد منها

الخلايا بتعالج بإذن الله جميع أمراض الدم..مثل سرطان الدم والثلاسيميا وانيميا البحر المتوسط...

باحاول انزل موضوع عنها

وشكرا لك ولجهدك وردرودك ياقلبي .....

العفوو أختي .. وأول مره أسمع عن هالشي

بإنتظار موضوعك خيتوو