عروسة جديدة وسؤال مهم

[تاجي حجابي]

السلام عليكم ورحمة الله وبركاته
ابغى اسال ذوات الخبرة لو سمحتن
انا عروسة جديدة وكانت دخلتي يوم 28 يناير واستمرت العلاقة الحميمة بيني وزوجي طيلة اسبوعين بحكم اضطراره للسفر بعد الاسبوعين مع العلم ان الدورة كانت يوم 16 يناير

جاتني الدورة يوم 16فبراير بس من غير اي الم وانا عادة يجيني الم فظيع اول يوم للدورة والمرة هذي استمرت الدورة لثلاث ايام بس وانا دورتي خمس الى ست ايام
حاليا بحس بثقل اسفل البطن تحت السرة وايضا احس انه بطني مو مثل اول دايما احس انه فيها شي
شوية الم في الجهة اليسرى من الرحم وماكان يجيني من قبل لما كنت انسة
شهيتي للاكل قليلة جدا واول ما اشم ريحة الطبخ اعاف الاكل واقوم
ريحة العطر شوي تزعجني
احس بشوية صداع وشوية الم في الظهر
في خمول وكسل وميل للعزلة وضيق
اشتهي اكل الليمون الحامض

هذا اجمالا الي احس فيه ومدري شنو تفسيره هل هو حمل ام بسبب الدخلة والله مدري ياليت اللي ليها راي ما تبخل علي به وربي يجزيها عني كل خير وييسر لها ما صعب امين