هنا تجمع العنايه بالبشره والجسم في فتره النفاس كل وحده تدخل وتقول ايش سوت

[عزيزة النفس]

السلام عليكم ورحمة الله وبركاته
اخواتي زي مهومكتوب بالعنوان يعني اللي حاطه ببالها شي معين او خلطه او ملابس او كريمات او اي وصفه للبشره او الجسم او الملابس وبتستعد وهي بفترة النفاس اتمنى تقولنا ايش جهزت علشان الكل يستفيد (رجاء اللي ماعندها اي معلومه مفيده لاتدخل وتقول ما استعدت لا تقول ما استعديت ولا سويت يعني الافضل ان اللي تدخل ياتفيد اخواتها او انها تترك المجال لغيرها يقول اللي عنده لان اغلب العضوات الله يهديهم ما عندهم تعاون ابدااااااااااااااااااااااااااااا)(اهم شي تكون خلطات امنه وخفيفه على النفاس اللي ترضع)


انا رح ابدا عن نفسي توني بالسابع و لاني بولد قيصري الله يقومني بالسلامه انا والبيبي وكل حامل يارب فا مارح اقدر استعد على طول بسبب الجرح والتعب فبيكون برنامجي متاخر شوي بس حاطه ببالي عدة اشياء
لجسمي مركزه في نفاسي على الشمر لشد جسم

ناويه استخدم خلطه صابونيه من راسي واتمنى ماتسبب لي جفاف لان بشرتي جافه خلقه
بحط الصابونه السودا
صابونه الكركم
صابونه البابايا
صابونه الغار
صابونه اغادير
صابونه دوف البيضا
وطبعا الحمام المغربي ممتاااااااااااااااااااااااااز جدا وانا لقيت هذي الطريقه بالنت ومعها خلطات اتمنى انها تفيدكم وعجبتني ورح اجربها الله يهون علي وعلى كل حامل
(الطريقه المنزليه للحمام المغربي)

يخلط الطين المغربي الأبيض مع الصابون المغربي وتجلسين بللبخار وهي تفتح الجسم وتزيل الاسمرار والجلد الميت اليي تراكم على جسمك تسع شهوروالطريقة لعمل حمام بخار في بيتك هي..
تجيبين الدافور الصغير اللي يسوون عليه الشاي والقهوة في النزهات وتولعينه وتحطين فوقه أناء كبير نصه مويه وتخلينه في زاوية الحمام وأنتم بكرامة وتقفلين باب الحمام وتخلينه يغلي المويه ألين البخار يتصاعد في الحمام و يملاه بالبخار

هذي الطريقة ممتازة كأنك في حمام بخار عند الكوفيرة وعادي لمايتملى الحمام بالبخار تدخلين وتدهنين الخلطات اللي بكتبها لك الآن لتقشير الجسم وتجلسين فيها بالبخار علشان يستفد منها الجسم وتنزل الخلايا الميته ..

أول خلطة هي لتنعيم الجسم وتنظيفه ومع الوقت تبيض وهي..
قشور برتقال مجففه ومطحونه طحن ناعم..
شوفان كويكر(( اللي نعمل منه الشوربه))
نعناع جاف ..
سدر مطحون ..

تطحن جميعا وتوضع بعلبة جافه وقبل الأستحمام ناخذ منها الكمية اللي تناسبنا ونخلطها بلبن زبادي (روب)وندهنها على الجسم ونخليها ألين تجف بعدين ندعكها بالليفة المغربية نبلل الليفة وندعكها ألين تنظف وتنزل معاها الخلايا الميته بالجسم وبعدين تكملين أستحمامك عادي وتنظفين الجسم تماما بالصابون المغربي والليفة وتخرجين بلمعه ..


الخلطة الثانية لتبيض الجسم وأعطائه الليونة والنعومة مع الأستمرار عليها تبيض الجسم وتوحده وأنا ماأستغنى عنها أبدا
وهي موية ورد+ ترمس مطحون >>>>>

تطحنين الترمس وتخلينه بعلبة جافة عندك وعند الأستحمام تخلطينه بموية ورد وتدهنين الجسم وتخلينه ألين ينشف بعدين تعملين له صنفرة بالليفة يعني تدعكينه بالليفة علشان ينظف الجسم معاك ..>>>ممكن تغيرين موية الورد باللبن الروب مع الترمس..
ا
الوصفة الثالثة هي..

سدر مطحون +لبن زبادي ((روب))عند الأستحمام تدهنين بها جسمك كله وتخلينها تقريبا 10 دقايق بعدين تعملن بها تقشير لجسمك يعني تدعكينها بيدك بعدين بالليفة وهذي الوصفة تنفع حتى للوجه روووووووعه
الوصفة الرابعة ..

دلــــــــكة للجسم بسيطة تعلمتها وحبيت أنزلها لكم لأنها ممتازة بتنظيف الجسم ..
2 ملعقة قشور برتقال مجففه ومطحونه
5 ملاعق حنا
4 ملاعق مسمار مطحون ناعم جدا
3 ملاعق سكر
ملعقة صغيرة كركم (حق الجسم مو حق الاكل )
ملعقة سدرمطحون

تطحن وتوضع في برطمان جاف وقبل الأستحمام ناخذ منها ونخلطه بزيت لوزمر أنا أستخدمت زيت لوز مر لأنه مفتح للجسم والآثار ويزيل البقع والكلف ممتاز جدا اللي فيه بعكس زيت اللوز الحلوو فقط يغذي وينظف الجسم ..

المهم بعدين تعملين سكرب بهذي الخلطة للجسم تطولين وأنتي تدعكين بها الجسم بحركات دائريه علشان ينظف وممكن تستخدمين الليفة المغربية لأفضل النتايج..
بعدين تغسلين جسمك عنها طبعا لازم وهي عليك تفتحين البخار علشان يساعد بأزالة الخلايا الميته ..

هذي تسوينها مره كلأسبوع وتنفع للعرايس تنظف جسمك من تجربتي معاها تبين نتايجها بالتبيض بعد شهر بالتمام ..


الخلطة الخامسة لصنفرة الجسم ..
4 ملاعق قشور برتقال مجففه..
فنجان موية ورد

تكون الخلطة سايله قليل ندهنها على الجسم والوجه وتترك ربع ساعه على الجسم بعدين ناخذ فنجان قهوة زيت اللوز المر ونفرك به الخلطة للي على الجسم يعني نسوي بها سكرب وبعدين تغسلينها هذي فايدتها تنظف وتلمع الجسم مع الأستمرارلمدة شهر تبيضه ..


هذي الخلطة السادسة البعض يقولها دلــكه بس موالدلكه السودانية لأ الدلكة السودانية صعبه ولها أصولها اللي مايعرفها غير اهل السودان ..لاكن هذي دلكة من نوع آخر
وهي..

تشد الجسم وتقشره وتنظفه وطبع كل هذا بجانب اللمعه والليونة للجسم ..

تجيبين ليمونه كبيره
+
4 ملاعق سدر مطحون
+
فنجان قهوة زيت اللوز المر أو زيت زيتون أو السمسم شخصيا افضل زيت اللوز أنه مفتح..

تخلط مع بعض بعدين ندهنها على الجسم قبل الشور اليومي نفرك فيها جسمنا مضبوط علشان يتشرب الجسم الزيت ونلاحظ السدر يتساقط ألين ينظف الجسم منها وغسليها بالماء فقط علشان يحتفظ الجسم بالنعومة من الزيت ولوتبين تغسلينه بصابونة ممكن عادي ينفع براحتك لاكن للأحتفاظ برطوبة ولمعة الزيت بجسمك أنصحك ماتغسلين ألا بالماء وأتركي الصابون و تكررهذي العمليه لمدة أسبوع وراح تلاحظين أنها فتحت جسمك جدا وأعطته لمعة قوية وبتدعيلي بعدها حمام الهنا ياكروشه ..


وهذي الخلطة السابعة وهو..سكرب للجسم قبل الأستحمام يعطي الجسم لمعة ويبيضه وينظفه من الأوساخ من جد تحفه..
وهو((قشطة علبة ))
+
ملعقة خميرة
+
قهوة تركية ملعقة ..

تخلط مع بعض وندهنها على الجسم نخليها ألين تجف وتنشف على الجسم بعدين نفرك فيها الجسم مظبوط حتى تنزل معاها الأوساخ ونغسلها ونكمل أستحمامنا ويفضل عدم أستخدام الصابون بعدها للمحافظة على البياض واللمعة اللي أكتسبناها من القشطه وباقي المكونات ونعيما ياحلووووات.....

طبعا" الموضوع بقلم أختنا العضوووة << فارسة حواء >> بمنتدى أخر




وعن تجرررربة مني راااائعة جدا" للجسم وتخلي بشررررتك صافية وحلوووة
أن شاااء الله تستفيدوووون منه زي ماأستفدت أنا منه ..
..........................

الدلكات تنعمل مرتين بلأسبوع ضروري للي تبي تكون بشرتها جميلة وحلووة
والمقشرات كمااااااااااااان ... عودي نفسك على كورس معين تمشي عليه وبتشوفين النتيجة ..........

من الدلكات الرااااائعة الي جربتها

* زيت لوز + عصير ليمونة + سدر مطحون ...

* حليب دافي + سدر مطحون تخلينة حتى ينشف على وجهك وجسمك كلة

السدر ينظف بطريقة عجيبة سبحان الله أذا أستخدمتية وشفتي نتيجته
بتخلينه عادة جمالية ماتتركينها أبدا"

ــــــــــــــــــــــــــــــــــــ ــــــــــــــــــــــ

عجبني الموضوع ونقلته مع التعديل لاشياء تناسب الحوامل

حتى تستفيدوا منه بالذات لأنو مو خلطات يوميه كلها قبل الاستحمام وسهللله ونتايجها حلوووه والاجمل انها طبيعيه وماتضر ان شاء الله ومنها نكون مهيئين الجسم للعنا وقت النفاس

الهرده الشاميه :

مكوناتها ترمس + حمص + سمسم (يكونون مطحونين )


تخلطون كميات متساويه وممكن تستغنون عن السمسم المطحون بس اهو رووووعه لنعومه


هالثلاث خلطات اذا استخدمتيها بانتظام وخلطتيها بعصير ليمونه وماي ورد وزبادي او حليب سائل

راح تبهرج النتيجه

الحنه المغربيه راح تشيل الخطوط اللي بالجسم والكلف وتصك المسامات تخلي بشرتج روووعه وطبعا تبيض

الحنه الايرانيه تنظيف عميق وتصفي اللون توحده وتبيض

الهرده الشاميه تبييض وتصفيه وتشيل الحبوب من الجسم


سكرب حلو وينظظظف ...

ملعقتين سنفرة المشمش
وملعقة زيت زيتون
ملعقة حليب بوردة
وشوية موية ورد
وعصير ليمونة


وممكن تضيفين معاها ترمس مطحون او شوفان
وزعيها على جسمك وانتظري لين تنشف وبعدين افركي جسمك بحركات دائرية ..ولا تنسون الترطيب بعد اي سنفرة للجسم ضروووري عشان يحتفظ الجسم بالنعومة والنضارة

(يمدحون زيت الليمون)تدهنين بالليل وتتحممين الصبح يعطي نعومه وبياض

يلاه نبي تفاعل كل و احد يضع لنا شيئ نستفيد منه

ويكون مرجع للخلطات الآمنه للحامل والمرضعات
يلاه مراح احرمكم من الفايده >> مدري ليش محد يتفاعل بشي ينفع غيره فيه

اللهم اجعل ما تخطه يدي لينفع الغير صدقه لي