حسني مبارك

[MALAK2010]

السلام عليكم ورحمة الله وبركاته
الحقيقة انا ماكنتش هرد بس بصراحه صعب عليا كل ام مات لها ابن او اصيب بحجر او برصاص مطاطى او من الاصابه فقد عينة او حصله شلل رباعى
وصدقينى دة حصل اصيب دكتور كان نازل يسعف المصابين لكنه للاسف رجع لامة بشلل رباعى ربنا يشفيه ويعافية والقصص كتير ربنا يشفى من عاش

وفى ام تانيه ابنها شاب عنده 22 سنه زى مابيقولوا ورد الجناين واستشهد برصاص حى وهى فضلت تبكى على ابنها وتقول كان يضرب الرصاص فى ايدة ولا رجله وانا اقعد بيه طول عمرى لكن يضربة فى دماغه ويموته

ياااارب صبر كل ام بعد ماربت وكبرت واتعلم وجايه تشوف ثمرة تربيتها لقيته ضاع من ايديها بسبب انه بس بيطلب بحقة فى انة يعيش عيشة كريمة من غير ظلم ولا قهر

احنا مظلمناش حد وكونة مشى من الحكم دة ممكن فى نظرك اهانه
امال اللى ماتوا واتصيبوا وهيعيشوا بقية عمرهم بعاهه دول يعملوا اية

والوقتى اسيبك مع شويه فيديوهات ممكن تعرفك احنا حاسين باية واسفة اذا كنت ضايقتك بس لازم كنت ارد على الاقل ارد غيبة ابطال عملوا تاريخ للبلد وهم مسالمين من غير حتى حجر يدافعوا بيه عن نفسهم


http://http://www.youtube.com/watch?...layer_embedded

http://http://www.youtube.com/watch?...layer_embedded