صار معي تمزق بعد الولاده .. خففو عني شوي

[ام هيله]

السلام عليكم ورحمة الله وبركاته

اخواتي انا اليوم لي 25 يوم من ولدت
والحمدلله على كل حال هذي ولادتي الرابعه وكل ولادتي من احسن مايكون
وكله يسوون لي توسيع وخياط في المنطقه وكلها اسبوعين ثاث وتطيح الخيوط

ولادتي هذي تعقدت بوقت ماكنت اولد اقول للقابله وسعيني ومارضت
لحد ما حصل معاي تمزق بس مو تمزق بسيط لللاسف
حصل معاي تمزق سئ جدا تخيلو واصل لتحت منطقة الشرج
حسبي الله عليها وعلى الي يولد في هالمستشفى
المهم اني ماكنت ادري عن ان التمزق صعب للهالحد قالت لي بعد الولاده انو جرح
بسيط ويحتاج خياط وقلت الحمدلله واثناء ماكانت تخيطني استغربت طولت واهي تخيط انا سكتت قلت طالما انو بسيط ماراح اقول شي
بعد 20 يوم من ولادتي الالم تزيد والخيوط مانزلت وما اقدر اجلس
والتبرز عندي صعب صعب صعب مع انو ماعندي امساك الحمدلله
والاحظ لما اتشطف وانشف المنطقه بدم من مكان الغرز
قلت اروح لمستشفى خاص واتطمن
الصاعقه ان الدكتوره قالت وش هذا من الي خيط لك واي مستشفى ومن هالحكي
قالت ان الجرح ما التم والتمزق واصل تحت الشرج والخياطه مشدوده كثير ويطلع منها دم وملتهبه ويبيلها وقت طويييل لحد ماتشفى
اااااه كنت حاسه فيه شي
المهم قال زوجي نغير المستشفى ونروح لطبيبيه ثانيه ورحت ونفس الكلام
كل وحده تطير عيونها وتقول حرام على الي سوت لك كذا المفروض تداركت الموقف وسوت لي توسبع

وكتبو لي على مضاد وكريم مع اني استخدم كريم ميبو من اول ماولدت
واتشطف بمر واحيانا ملح وماء


تكفون ادعو لي ان الله يشفيني
والي مرة بنفس حالتي تقوللي اش سوت
واعتذر على الاطاله بس والله اني ضايقه لابعد حد
واكتب وانا عبرتي خانقتني