من معه الحق[انا ولا امي] ؟؟؟؟

[صمتي حكآيهـ !]

السلام عليكم ورحمه الله وبركاته
حبايبي مالي بعد الله غيركم يرشدني الي الصواب
علموني انا غلطانه والا اللي سويته صح ..

انا نفاس لي 35 يوم والمفروض اني اطلع للسوق اجهز للاربعين .. جاني مبلغ 3100 تقريبا هديه من اقاربي واصدقائي ..فقررت اني مااطلب من زوجي فلوس عشان اقضي لي ملابس ..لان المبلغ هذا كفايه علي.."

جاني زوجي قبل اسبوع وقال بعطيك مبلغ عشان تجهزي لنفسك وانا رفضت وقلت له ماني محتاجه خلك فلوسك عندك يمكن تحتاجهم اكثر مني ..

المهم سالتني امي .. ماعطاك زوجك فلوس؟!
قلت لها ماقصر قال بيعطيني وانا رفضت
عصبت علي وهاوشتني وقالت المفروض ماترفضين وتعودينه اذا عطاك فلوس خذيها وبدون تردد ..
قلت لها زوجي راتبه ضعيف وعنده التزامات وانا عارفه ان هالمبلغ طالع من قلبه مو زايد عنده
قالت لالالا هو لومايقدر ماعطاك المفروض خذيتي منه المبلغ عشان مايتعود مايعطيك...

زوجي حريص على فلوسه ماقول بخيل ..
ويعطيني مصروف شهري ولامره قطع عني المصروف
واذا احتجت شي مايقصر ويجيبه لي بدون تردد ..
صراحه مو مقصر عني بشي ..

مدري انا اللي سويته صحيح .. صراحه مااحب اكلف عليه واطلب منه مبالغ مثل بعض الحريم .. دائما طلباتي محدوده .. حتى بهالفتره رفضت اخذ منه فلوس عشان مااضغط عليه.. حابه اكبر بعينه .. مابيه يقول اني مبذره ولاطلباتي زايده ...ابيه يشوفني بعينه غير عن كل الحريم ..."

علموني .. من معه الحق .. معي ولا مع امي ..
امي تقول اخر لك مره ترفضين الفلوس اذا عطاك خذيهم
ولاتعلمينه ان عندك فلوس ...خبيهم عنه ..
مدري ايش اسوي انا احب زوجي وماتعودت اخبي عنه شي
كل شي اقوله تفاصيل يومي كله ماتعودت اخبي ..


من معه الحق ياترى معي ولا مع امي علموني ياخبيرات افيدوني تكفون ؟؟