تتوقعون حامل ؟؟

[روح وقلب زوجها]

السلام عليكم ورحمة الله وبركاته
هذا اول موضوع لي بالمنتدى واتمنى الاقي ردود تريحني
انا حملت بداية زواجي لكن ربي ماكتب يتم حملي وتوقف نبض الجنين بالشهر الثالث وسويت تنظيف .. الحمدلله على كل حال
هذا الشهر الدوره متأخره اسبوع رحت حللت دم ثاني يوم من تأخيرها والنتيجه سلبيه انتظرت يوم وحللت بالبيت والنتيجه سلبيه
رجعت حللت دم خامس يوم والنتيجه سلبيه الحمدلله
ودخلت على دكتورة النساء وشرحت لها الموضوع وسوت لي سونار مهبلي وقالت ماهو واضح ان فيه حمل احتمال يكون لخبطت هرمون !
عطتني حبوب اسمها دفستون تنزل الدوره لو مافيه حمل ولو فيه حمل بأذن الله تثبته قالت استخدميها 3 ايام واذا نزلت الدوره تعالي اسوي لك تحليل هرمون
بديت فيها الخميس واخر حبه خذيتها الساعه 11 ونص البارح
تتوقعون حامل ؟؟ وطبيعي الحمل مايبين بعد اسبوع من تأخير الدوره ؟
احد مر بنفس تجربتي ؟؟
ماودي اسبق الاحداث بس غصب عني ذبحني التفكير
احياناً احس بأعراض حمل من الافرازات والنوم والارهاق لكن ماودي احط في بالي شي وتنزل الدوره واتحطم
تكفون من مرت بنفس التجربه وفيه منكم مابين حملها الا بعد اسبوعين مثل ماقريت في بعض المنتديات ؟؟
اعذروني على الاطاله بس محتاااره حيل ونفسيتي تعبانه