تجمع حوامل المدينة المنورة

[مدام الهام]

لاشكر على واجب حبيبتي شوفي انا ما اعترف بالاعشاب لاني بس ما احبها بس اشوف اغلب البنات بالمنتديات عندهم انضمة نفاس من اعشاب وغسولات ومدري ايش احس مالو داعي عن نفسي بس اشرب الايام اعشاب حارة زي كمون ويانسون وزهورات وحليب حار وزنجبيل وامي تسويلي حلبة بس اغصب نفسي عليها ما احب ريحتها بس هي تقوي الجسم وتحلي البشرة اشوف الي ياخدوها يصيرو بشراتهم جنان بس تتخن وتنفخ بس الوجة يصير رووععة مخدخد زي الاطفال واشرب شوربات زي الشوربة الشوفان والعدس وغيرة الي تحبي ولحم ودجاج وسمك وخضار وفواكةوخبز بر وكبدة الصباح بس ابتعد عن الاشياء الباردة والغازيات معنة صعب صعب علية اهم شي تشربي حاجات دافية طول الوقت عشان يتقوا جسمك وينضف رحمك واما الغسولات بس استخدم الغسول الي تكتبة لي الطبيبة المعقم زي بيتادين وواستخدم للخيوط مرهم ميبو وفيسودين الي هو مرسوم علية اسد مرة يريح من الخيوط وبعدين اجلس بموية دافية وملح خشن يعتبر مطهر بس هادا نضامنا للنفاس انتو ايش نضامكم لاني سمعت فية بعض الناس عندهم انضمة وممنوعات واعشاب واكل مخصص للنفاس ومدري ايش شفت بمنتدى ثاني بس مو مقتنعة فية اهم شي اكل صحي ومفيد واشياء دافية