ياصاحبي دامك نويت الخيانه ؟

[زهور البنفسج]

ياصاحبي دامك نويت الخيانه


ابعد بعيد أولاتشوفك عيوني


ماني مجازي غلطتك بـ الاهانه


ابـ نسحب واقول خابت ظنوني


الحب أمانه وأنت مافيك أمانه


واللي يخون امانته شخص دوني


الموت بيد المعتلي جل شانه


عايش بدونك وانت عايش بدوني


الحب ماهو لغز يبغا فطانه


تبي تعرف الحب ناظر عيوني


عيوني اللي من عرفتك يا دانه


عرفت وش معنى الهيام الجنوني


أيام لك فالقلب قدر ومكاانه


يومك على كل المشاعر تموني


والحين حبك رااح وروح زماانه


كل شي يهون إلا ؟ الوفى مايهوني



قلبي لابد ارجعه في مكااانه


جا لك سليم (ورد) كله طعوني


وقلبك أكيد أنه يبيله صيانه


وتلقى واحد مثلك يحب ويخوني


ياوقت كلك صرت كذب ولعانه


والله مدري وش تفيد اللحوني


حتى الخيانه فيك صارت ميانه


حكمه صحيحه يااابشر صدقوني