هنا تجمع حوامل الشهر (الاول والثاني والثالث)

[شعاع الأمل]

المشاركة الأصلية كتبت بواسطة أرنوبة

خواتي أم راما وشعاع الأمل
أنا بولدي الأول خلصت 9 شهور والاسبوعين الزيادة
وأنا ما عندي طلق أبدا وعطوني طلق صناعي وما أدراك ما الطلق الصناعي
من الساعة 12 بالليل لين الساعة 11 الصبح بغيت أموت وعيى يطلع الولد
اكتشفوا وقتها انه عندي مشكلة بالحوض معني سويت الاشعة بألف وشوي
لكن والله ما عندهم سالفة
ونبض الولد بدأ يضعف وأنا آآآآآآآآآآآآآآه شفت الموت
وبعد هالعذاب الساعة 1 إلا ربع جا ولدي بولادة قيصرية الحمد لله على كل حال

ياقلبي الله يسهل لك هاالمره يعني معناه خلاص ولادتك راح تكون قيصري؟
انا والله خلصت شهري وخذت زياده اسبوعين
وبربي ان المستشفى كل يوم يدقون على اهلي خلو بنتكم تجي نولده ترى خطر على صحتها كل صبح مزعجين ابوي واخرتها انجن وقال يابنت خليهم يولدونك ويرحوني
من كثر دقهم وحنتهم وانا رافضه خوف من الطلق الصناعي وبعدها بكذا يوم جاني شي مو طبيعي الم مستمر ينفضني مايرحيني الا ثانيه واتصبر لين مت ولارحت الا الرحم منفتح مشالله خمسه ونص والممرضات مشاالله بكر وصابره حتى انفتح خمس ونص المهم انفتح سته وسبعه وثمانيه وتسعه وعشره جيت عشره تخيلو 3ساعات
ماولدت وذبحوني بالطلق الصناعي وانا وضعي طبيعي والولد ينزل الين يوصل المنطقه ويشفونه ويقولون نزل نزل وبعدها يطير فوق وعلى هالموال 3ساعات
والله ان الطاقم الطبي كله مجتمع على راسي يبون يفسرون حالتي ماش مامشى الوضع المهم كنت صابره ولما جت الساعه12 واصرخ صرخه موطبعيه انا ليش ماولدت ليش كلهم جوى بعدي وولدو وانا لا وامسك يد الدكتوره ولافكيتها الالما وقعت عمليه والدكتوره السعوديه رافضه تقول وضعها طبيعي حرام نسوي عمليه
قال الدكتور الا حرام صابره 3ساعات والرحم 10 منفتحه الوحد اذا انفتح عنده الرحم 10نص ساعه بالكثير وهي ولاده ودخلوني غرفه العمليات وش بعده اخ من المستشفيات الحكوميه وخصوصآالعسكري بالرياض ماويلدونك قيصري الا بعد المووت ان شاء الله هاالمره بااهلي اولد العسكري لا والف لا ..