تجمـــع للـي يجهزون للبيبي

[om feesal]

كروشات أنا بكرية (يعني ما عندي ثياب لمولود سابق)
قرأت قائمة تجهيز المولود من المنتدى، كان فيها: ملابس للنوم و بيجامات اللي تجي مغطاة القدم + ملابس الخارجية.
أحسهم نفس الشيء!!
لأن الطفل قبل 3 أشهر دائماً ملفوف بالقماط و ملابسه دائماً مريحة للنوم و تكون خارجية أيضاً.
يعني ما راح ألبسه جينز وهو دائماً مقمط.

المهم.....إشتريت الملابس المغطاة القدم، العدد 6 فقط، المقاس: من 0_3 أشهر ، يعني شوي كبيرة.
و إشتريت new baby العدد 4 فقط.
لأنهم يقولوا النونو يكبر بسرعة.
إشتريت من الملابس الداخلية (شبك أسميه): 3 new baby
9 من 0-3 أشهر


إيش رأيكم؟ كافي؟ أو أحتاج أكثر؟
و إشتريت 6 جوارب + 3 غطاء لليد + 5 قبعات عادية (مابين قطنية و صوفية).
و سراويل لوحدهم العدد 4 مقاس من 0-3 ، والعدد 2 new baby
بطانية واحدة
لحاف صوف واحد
4 لحافات مخملية قطنية جميلة ذات رسومات
قماطين قطنيين أبيضين داخليين.....أختي المتزوجة قالت لي تحتاجي 5 لأنه ممكن يتقيأ عليهم، أو يتبول فيهم، و ينام فيهم، ويستخدمهم أكثر شيء.

إيش رأيكم؟
كافي؟ خصوصاً إني راح \اولد في عز البرد و الشتاء، بعد 3 أشهر راح يصيف الجو و يكبر البيبي.





_______________


أحس تحتاجين بطانيتين
وفوطتين استحمام
وفوطتين او ثلاث فوط صغيره لما تجين تغيرين للبيبي
وبرضو المشمع يجيك زي المفرش ومبطن ببلاستك لما تجين تغيرين للنونو وهذا عملي ويستمر معك فترة طويله
والمهاد صحيح من تجربة خواتي يستهلك كثير يعني أربع مارح تكفيك لأن ممكن يوصخهم كلهم في نفس اليوم

فخذي أربع بيضا عادية وثنين شوي حلوه ملونه يعني لين حبيتي تشخصينه بالبيت لو عندكم ضيفه معتادة

وبرضو يبيلك طقم كشخه لو جاك ضيوف للنونو يصير اللبس مع المهاد والمدس والمفرش وأشياء كثيرة

أنا أخذت طقم مره حلو من سنتر بوينت وسعره مره ممتاز

اممـ
هذي الاشياء بتكفيك فترة النفاس بس يعني بتحتاجين تقضين اخر نفاسك لان احتمال كل اللي لبسهم في هالشهر تصير قصيره عليه خصوصا البربتوزات الكامله يصير مايقدر يمد رجله
ولازم كم طقم كشخه شوي لما تروحين تزورين اهل زوجك واهلك بعد النفاس


ان شالله أفدتك