ابي مشورتكم يا احلى حوامل

[جنونتي]

السلام عليكم ورحمة الله وبركاته


بدون مقدمات حبايبي بقولكم اللي عندي وعطوني رايكم

انا حامل بالشهرالسادس واليوم عندي موعد وكنت مره متحمسه
اني اعرف جنس الجنين لدرجة اني مانمت زين من الحماس

طبعا انا تبع العسكري ومواعيدهم مايدخلون الزوج
وانا وزوجي فالطريق كنت اقوله بجننك وماراح اعلمك جنس الجنين شوي بقولك بنت وشوي بقول ولد<<طبعا كنت امزح
المهم وصلنا ودخلت على الدكتوره الله لايبارك في عدوها رفعت لي ضغطي اكررررررررررها
عيت تعلمني جنس الجنين تقول اخاف اقولك وتجين بعدين تقولين لي انتي قلتي لي بنت والدكتوره الفلانيه قالت لي ولد
خليها الشهر الجاي تروحين لمبنى الولاده الكبير وتسوين سونار بالجهاز الكبير ويبين اكثر
احس من القهر ودي اني عطيتها كف محترم بس مسكت نفسي
المهم طلعت منها اخلاقي قااافله واحس اني متنرفزه
قلت لزوجي وتعالو شوووووفو الضحك وشلون خلاص احس ان اذني صاريطلع منها دخان من العصبيه
المهم يقول لي دقي على خالتي <<اللي هي امي
وعلميها ان حماسك راااح على الفاضي
قلت لاااا عشان يضحكون علي امي واختي
قال اصلا انتي ((مضحكه))
فهمتوي يعني مخفه
من جد قهرني احس دمعتي بتنزل بس مسكت نفسي

المهم بعد ماضحك وشبع قال لي خلاص بوديك اليوم مستوصف اهلي وبتعرفين
المهم شوي وتتصل علي امي وقلت لها انهم ماعلموني الا واسمع صوت اختي تضحك وتقول لامي عطيني بكلمها واضحك على حماسها قلت لامي مابي اكلمها وسكرت
سمعني زوجي وضحك قال ليش ماكلمتيها قلت عشان ما اصير ((مضحكه))للمره الثانيه
ابيه يحس ان الكلمه جرحتني
قالي اوووو انتي تشيلين في قلبك
انا هنا صدق ماقدرت استحمل صديت عنه وانا اتمنى اللحظه اللي اوصل فيها للبيت عشان تطيح دموعي
طبعا هذا كله الظهر
رجعنا للبيت ودخلت اسوي الغدا ودخل عندي يستهبل ويضحك ولا كانه صار شي اما انا مارديت عليه
طاحت دمعتي وربي غصب ماقدرت امسك عمري صايره حساسه
قام يصرخ علي ويقول اووووف اللي يشوفك يقول ان اللي في بطنك مات
وطلع من المطبخ وخلاني حطيت الغدا وتغدا ونام وكل هذا وانا ساااكته
قام من النوم وتقهوى وطلع لنادي ولا وداني للمستوصف ولا هم يحزنون
وماكلف على عمره يراضيني
قبل يطلع قال لي تبين شي؟ قلت له سلامتك
قالت تبين تروحين هايبر اذا رجعت قلت كيفك وطلع

احس اني بنفجر من القهر برايكم وش اسوي اسفهه
ولا ارسل له راسلة اعتذار
ماعاد ادري من فينا الغلطان
او انا صايره من الحمل حساااااسه بزياده

عطوني رايكم