تعالوو كلكم..

[ملـكـ]

السلام عليكم ورحمه الله وبركاته
بدون مقدمات بدخل في الموضوع..
اخواتي في الله انا تزوجت من 4 شهور تقريبا..وعمري 21 سنه والحين حااامل
نفسيتي تعبانه ولولا خوفي انو جنيني يثأثر والا ما كان شكيت الحال..
حالي حال اي بنت كانت تتمنى تتزوج وتأسس بيت مثالي مالوو مثيل خطبني زوجي وعمره 36 سنه تقريبا..انا فرررحت لما جاني بهالسن قلت اكيد فاهم الحياه وبيقدر عيشتي معاه وبيكون عااقل .. وافقت بعد الاستخاره والحمد لله تمت الملكه على خير حبيييييييييته وبدت مكالمتنا مع بعض انا ما كنت اتصل عليه هو يتصل بس احسه مجبور بس عشان ما يزعلني كنت احسه يطفش ما يبغى يكثر مكالمات مع اني انا بعد ما احب المكالمات الكثيره كاان يخليني فترات طويله ما يكلمني والحمد لله كانت الملكه مدتها 3 اشهر والا كان انهبلت انا ههه
المهم..مشكلتي زززووجي احسسسه غررررررريب تخيلو انه ما جاني ولا صار بيننا اي اتصال الا بعد شهر العسل جاتني شكوك يمين يسار مرات اقول انو خايف علي مرات اقول يمكن مريض او في شي او عنده ضعف .. تعبت نفسيتي مررررررررا.. ومره من المرات قلت له انا محتاجتك ليش تسوي كذا انا ايش فيني كون صريح معي .. ومن يومها بدأ يجيني وحملت الحمد لله..بس رجعت له نفس الحاله الحين ياانااااس انا احتاجه انا انساانه ابغاه يحسسني بأنوثتي والله كل يوم اغير في شكلي واالبس واتنظف واتعطر وابين له اني ابي بس يقوولي انا تعباان وابغى انام ويخليني في حيرتي انا ما ادري ايش المشكله دايم احاول اغريه واثيره بس ما يكمل معاي يقولي بروح ادخن وارجع او بروح الحمام الله يكرمكم..اووو ....الخ
المشكله الثانيه او المشكلات اللي مالها نهايه .. زوجي كتووووم وغاامض ولا اعرف عنو اي شي حاولت ادخل حياته بس حاط لي خطوط حمرا ممنوع اتجاوزها واذا كنت متضايقه او محتاجه وقفته معاي يعصصب ويقول ما احب الدلع الزايد ولا البكاء من غير سبب ويبكيني ويرررررووووح واقعد انا لحالي ولا يكلمني الا اذا اعتذرت له مع اني ما غلطت بحقه ابد وهو المفروض يتعذر لي بس ما احب اسوي المشاكل واكبرها..
احس اني وحيده ما اقدر اصارح احد واقول لاحد عن حياتي وخصوصا اهلي ما ابغاهم يشيلو همي واقولهم انا مرتاحه ولافي احلى من حياتي..
مرات احسه ما يحبني ولااا عمره غار عليا او خاف عليا .. ما يهتم لامري ولا عمره حسسني انو انا انثى ولا يتغزل ولاااا شي يا ناس..
ايش اقول وايش اخلي والله تعبت واحس اني عايشه في متااهه ما اعرف حلها ..
للعلم: انا ابد موو مقصره معاه في شي وبشهاده منه ومن الجميع ولو يبغى عيوني اطلعها له بس يتغير ويكون لي ويحسسني انو عايش معي بشر موو عايشه لحالي....
ادعوو لي تكفون اقسم بالله اني محتاجه دعووااااتكم..