الله يوفق كل من ترد علي ويرزقها ..

[زهرة البنفسج]

حبيبتي حاولت ارسل لك على الخاص بس للاسف ماوصلتك لان لازم تمسحي من رسائلك ولا ماتوصلك جديده
المهم راح اكتب لك هنا ...
انا ياقلبي لي 7سنوات متزوجه والحين ماشيه بالسنه الثامنه ..طبعا ماعندي اطفال ربي يتمم لي بخير ..
وزني كان 102 وكنت اتعالج واتعالج واخذ منشطات حبوب وابر بدون اي نتيجه تذكر ..
دورتي كانت متلخبطه تغيب بالاشهر وماتجي الا بعلاج ..الهرمونات عندي مره ملخبطه ..
ماكنت افكر ان سبب عدم الحمل عندي هو الوزن ..لان في كثير سمان وماشاء الله عندهم عيال بس اكتشفت ان كل جسم مو مثل الثاني ...مع هذا كله ماياست من الدعاء ودايم املي في الله كبير وإيماني بقدرة ربي فوق كل شي ..
السنه اللي فاتت بعد العيد قررت فجأه اني اسوي رجيم وماكنت ادري انها بداية الفرج ..
طبعا دخلت على النت وجمعت رجيمات كثير منها رجيم عذاري مره ممتاز وبعد رجيم السحاب ورجيم التمر واللبن ..واستمر على كل واحد من اسبوع الى اسبوعين وبعدين يوم راحه واغير الرجيم ..اشتريت دراجه ثابته وكنت اتمرن عليها كل يوم لمدة ربع ساعه وبعدين بديت ازيد نص ساعه لحد ماوصلت لساعه باليوم ..وكنت اسوي تمارين البطن 50 مره باليوم ..وامشي برا لمدة ساعه ثلاث مرات بالاسبوع ..واشرب البردقوش كل يوم واوقفه وقت الدوره لانه يساعد على الحمل بإذن الله ..وبالنسبه للكرش ايضاً كنت انقع كمون حبوب ملعقه وسط مع شرائح ليمون مقطع في ماء حار واغطيه واتركه لحد الصباح واشربه بعد الفجر على الريق ..وعصير الاناناس مع الكيوي مره ممتاز لحرق الدهون بسرعه ..استخدم حبوب جلوكوفاج 500 ثلاث مرات باليوم لانها تساعد على نزول الوزن وتنشيط المبايض بنفس الوقت ..وفي اوقات كان يثبت وزني كنت اقطع الرجيم واخبص بوجبه من الوجبات واليوم اللي بعده ارجع وانقص بشكل حلو ..
والله صح تعب وجهود بس تتعبي بلبدايه وبعدين لما تشوفي النتيجه تفرحي بشكل خيالي ,,ويكون دافع قوي عشان تستمري وماتضعفي ,,استمريت 6 اشهر ووصلت الحمدلله ل77كيلو ماتصدقي فرحتي لدرجه سهيت عن موضوع الحمل شوي وكنت فرحانه بملابسي الجديده وقياسي الجديد والكل يسألني اش سويتي ..لما كنت اجوع كنت اكل صحن سلطه كبييييير مع ليمون ولبن واشبع ..او اكل فاكهه ..واهم شي لاحظته مع الرجيم انتظام الدوره من ثاني شهر تقريبا ..
وكنت مستمره لاني كنت بوصل ل60 كيلو واوقف ..بعدين تأخرت دورتي بشهر خمسه ..وكنت انتظر وخفت لاتكون تلخبطت مثل اول..ورحت احلل والحمدلله من فضل ربي عقبالك انتي وكل محرومه يارب طلعت حااااااامل ..والحمدلله انا الحين بالثامن ..ورجع دبا مثل اول بس عادي كله عشان عيون البيبي يهون ..وان شاء الله ناويه بعد مااولد بفتره ابدأ رجيم من جديد ..
صدقيني ياقلبي لاتقولي صعب والله راح تكوني سعيده بالنتيجه والحمدلله ان ربي دلنا على العلاج ليش احنا نتكاسل عنه ..
اسمعي اي شي تبغيه او اي سؤال انا مستعده ..ابدأي ولاتضيعي ولا يوم ولاتضعفي قدام الاكل فكري بأن هدفك اسمى واكبر ..وادعي والحي بالدعاء واكثري الاستغفار ويارب يرزقك من حيث لاتحتسبين ..
اكتبي يومياتك كل يوم وانا متابعتك وراح اساعدك بكل اللي اقدر عليه ..ربي يعينك ويساعدك
دعواتك