قفل الظهر؟؟

[دمعة أيام]

السلام عليكم ورحمة الله وبركاته

في موضوع هو متل ايشي شعبي مش وكانو من زمان يستعملو
وهالايشي معروف عنا بفلسطين

في كتير بنات ما بسير عندهم حمل مع انو كلشي فيهم صاغ سليم
يعني لا الالتهابات ولا مشاكل بالمراه او زوجها

بس في بنات من الشغل او اقل ايشي يمكن حملت ايشي بطريقة غلط وانفتح ظهرها..او انو ظهرها بكون خفيف..

والطريقة هي صعبه الوحده تعملها لحالها يعني بدها مساعده حدا تاني ..

المواد المستعمله:
ماء + طحين ويخلط مع بعضو وبسير عجيبنه
كاسه تمها كبير او عريض او مرطبان زجاج
ورق غليظ او ورقه من البرستول او الكرتون الرفيع احسن


بتنحط العجنه اسفل الظهر بالنص فوق الردف (مكان الطلق) متل ما بسمو....... بعدهو بتتولع االورقه وبتنحط جوا الكاسه وبسرعه بتنحط ع الظهر وما تخافو ما بتحررق ..

بس لازم يكون وضع جلوس ع الارض والرجلين ممدودات ومسكرين جنب بعضهم وحدا يحطها واذا نفخت العجنه وسار وجع معنها الظهر مفتوح ولازم ينعمل لمده 3 ايام الصبح وقبل الفطور وكل مره 3 مرات
ومرات ما بتزبط منيح اذا بسير حركه ممكن اعادتهاا..

صدقوني يا بنات في كتيير نسوان قعدو سنين ما خلفو وبعد ما عملوها حملو ع طول وكتير من قريباتتي عملوها وانا اولهم كمان

بس بشرط الاحسن تكون بايام الدورة بس مش اول يوم واذا ما سار ايام الدورة المهم قبل التبويض ..

صح بتوجع كتير ومش شوي وانا سرت ابكي من الوجع لانو كنت احمل اشياء تقيله زمان بس الحمدلله استفدت وحملت الحمد والشكر لله

حبيت اكتبها ويمكن يكون ردود افعال وما تعجبهم لبعض البنات بس هي طريقة عنا بنستعملها كتير للي حابه تحمل ..
الي حابه تعملها وما في ايشي مفهوم مستعده للجواب ..
هالطريقه ما بتنفع الي عندها الرحم مايل لانو وقتها بحتاج وحده تملس تمليس

الله يطعمكن يارب وتحملن وتفرحن بحملكن يارب

ادعينلي ربنا يثبتلي حملي ويكون جنيني سليم معافي وصالح وتقي بالاسلام