عطيني تجربه وش استفاد ولدك منك كونك انتي أمه

[محجبه]

السلام وشلوووووووونكم بدون مقدمات تدرون وش تفكيري بالدنيا وهمي عليه وشلون اربي عيالي واخليهم مؤدبين ومحترمين واهم شي ابيهم يقبلون على حب القران من انفسهم اقسم بالله هالتفكير مسيطر علي اربع وعشرين ساعة لدرجة اقول ماشاء الله الناس مخلين الدرعا ترعى ومستانسين وهذا عيالهم ماشاء مؤدبين
وانا ادعي لهم قدامهم وهم كل واحد يدعي على الثاني مادري من وين جايبين الكلام
اتمنى ان كل واحد يحرص على اخوه ويحبه لكن لاحياة لمن تنادي كل واحد شعارهم انا اكرهك وواحد منهم اذا قام من النوم يقولي انقلعي انا ماحبك ياوليدي انت جنيني وطلعت مني وتكرهني هذا عمره ثمان
عودتهم كل واحد يقرا الاذكار وماتقرا الامرة بالاسبوع وبعد مااذكرهم مثل الحمام والنوم والخروج
التنظيف مستحيل يشيل كل واحد اغراضه وقراطيسه ويرميها الا بعد نصايح ويقولون حنا موب شغاله ياربيه مادري شسوي
يابنات والله ان همي اربيهم ويطلعون رجال حتى اني ماانادي الواحد الا اقول له ياحافظ القران ولا يابطل لاتقولون الفاظك شينه بالعكس تعاملي معهم بأدب واحترام انا اقوله اذا سوى زين الله يجزاك خير والله فرحتني ربي يوفقك وهلم جرا
بس بقولكم الايجابيات الي طلعو عليه
الكبير اذا قام يسلم علي وعلى ابوه وحرصت عليه والحمدلله اخفهم
الاستئذان ماياخذون الا باستئذان
وحفضو شي من القران بعد مجاهده بس احس انهم
ينفرون رغم اني ماشديت عليهم اجلس اقرا ويسمعون واردد اللي يحفظ مني نعمه واللي ماحفظ
مااحرق اعصابي
مايعرفون بحمدالله اللعن
هاه والله وانا اكتب لكم هاللحضه مر عندي ابو ثمان وقال هلا يالشينه ماتنقهرون بالله طالعن من بطني ياربيه وش اسوي وهذا المشكله هوالوحيد اللي ما
يخدم نفسه عالة على قلبي ومايفارقن وهو باط علي باوامره اللي ماتنتهي واذا رميت بهمومي لابوهم وراه عيال الناس هادين ومربيين يرفع اصبعه فوق للسماء ويقول هداية من اللي الله انهم طوع اهلهم ولاتحرقين اعصابك ياما ناس ماهناش وعيالهم من الحفاظ وطلبة العلم صراحه جاب لي احباط
صحيح اني لي قوانين وازعل اذا اخطاو بس والله اني اسولف عليهم واشاركهم سوالفهم واعطيهم وجه وهدايا وجوائز بس والله انه مافاد صحيح ان فيه ناس اشطن منهم يالله لك الحمد بس انا ماودي
يشفطون الكلام الوسخ من برا ويرمونه علينا بالبيت
على العموم انا وابوهم لنا كلمتنا بالبيت بس اننا ماحنا من الناس اللي على طول ضرب وهذا اخر مانفكر فيه الحين اعرف عيال دايم يتهاوشون وعند الناس يد وحده ويروحون جميع
انا العكس عند الناس العاقل الكبير عشر سنين مايطيق اخوه يروح معه وله شخصيته وانا دايم اقول للواحد اخوك يحبك وولهان عليك بس كله واحد مثل
تدرون وش المطلوب كل وحده ولا عليها امر تخبرن بطريقه تربيه صح ومجربه واستفادو منها عيالك يعني وش استفاد عيالك كونك امهم الحياة موب اكل ولبس وبس
وانتي مسؤؤله عنهم هذولا امانه ربي وش تقولين لربي يوم القيامه ربيتيهم على قنوات وعلى الفاظ وسخه وعلى لبس مخل ولا العكس
تكفوووووون تراي انتظركم وادعيلكم من قلبي
ياام
ياراعيه عطيني لو تجربه وش تعود ولدك منك انتظركم بفارغ الصبر والاهتمام