الزواج المبكر نعمه ام نقمه .. اليكم تجربتي

[تخفي غلاها]

السلام عليكم
انا ابلغ من العمر 18 سنه تخرجت من الثانوي وتزوجت..

يمكن يجدني اغلب الناس اني امراءه كبيره و واعيه

لكن الحقيقه عكس كذا

اليكم تجربتي ...


انا ما لي خمس شهور من تزوجت ..

كنت في بيت اهلي ما اشيل المنديل لو طاح ع الارض يعني ما اعرف اكنس اطبخ و بالاحرى ليس لدي اي نوع من السؤليه ..

كنت ما خذه الزواج وناسه حريه نوعا ما ..

كنت عايشه جو رومنسي بقوه متصوره ان الحياه الزوجيه فقط رومنسيه وحب وغرام


يعني ما كان عني توعيه شامله عن الزواج

فكان كل هذا له تاثيرات نفسيه قويه علي ..

ثالث اسبوع من زواجي فقدت اهلي حيل كنت طول اليوم متضايه صدري ضايق والحمد لله ان طبعي اني ما احب ابين للي حولي اني متضاقيه او زعلانه

فكنت افكر بطلاق خخخخخ مع ان زوجي ما في منه بس كنت ابي اكون عند اهلي وكنت ابي اعيش زي ما كنت عايشه عندهم ..

اما الاسبوع الرابع هذا قصته قصه مع المطبخ ..

اول مره بحياتي اطبخ
اول طبخه في الغداء الملح طالع والعشا طببعا مافيه ملح وغير القدر اللي احترق
مع ان زوجي كان يمدح طبخي مع انه ما ينأكل بس رغم ذالك كنت من داخلي اتضايق حيل ...

مرو شهرين وانا ما ني طايقه زوجي بس ما بينت له كنت اشوف البنات اللي بعمري كيف عايشين عند اهلهم وكنت ابي اعيش مثلهم ..

ما اقدرت افهم ع زوجي تفكيره كبير حيل كنت اعاني من هالشي هو يشوف تفكري طفولي وانا اشوق اني افكر بعقل خذيت وقت طويل ع بال ما فهته ..

بس اقدر اقول اني بعد خمس شهور قدرت اتأقلم مع الوضع وحبيت زوجي بديت احس بمسؤليه كبيره
واحمد ربي اللي رزقني زوج فاهم و واعي يغطي اغلاطي بمدحه وابتساماته لي فالحمد لله

حبيت اكتب لكم تجربتي عشان اي بنت بعمري او اصغر تحاول توعي نفسها بامور الزواج من جميع جوانبه

ولكم خالص حبي وتقديري