للحوامل..راما,,راما ايش رايكم بالاسم؟

[•.ღ˚نور˚ღ.*•]

سلام كروشات :)
كيفكم مع الحمل ان شاء الله طيبات؟؟ ربي يتمم علينا اجمعين
ايش رايكم باسم راما؟؟؟
شفت الاسم راما منتشر من فترة لكن معنى الاسم مرررررة بطاااااااال .. هو اسم آلهة هندية ,,وربي عالم اني بس حبيت افيد لاني اشوف العالم تستحي تسمي باسماء امهاتها واهلها وماشيين ورا هالاسماء الجديدة اللي مو عارفين ايش تعني ويفضلونها ع اسماء اساس وجودهم بالحياة .. وزيدي ع كذا اسماء فيها شرك بالله..
حبيباتي انا ماتكلمت بموضوع الاسم الا انا وعارفة زين معناه وفيه ناس بتقول اكيد ملخبطة بين راما اللي هومعناه ساحة الحرم وبين ارام وازيدكم من الشعر بيت ان الاثنين يرجعون للهندوس..ماتكلمت من فراغ انا اولا لاني من محبين ومتابعين السينما الهندية
(بوليوود) وانا مرجع فيها :) لو بغيتي اساليني ايش يتعلق فيها,,
وحنا من عرفنا الدنيا وساحه الحرم اسمها ساحه الحرم بس ماسمعنا ولاعرفنا ان لها اسم راما لا بقران ولا سنة ولا قصائد شعرية من ذاك العهد تثبت هالشي وتوثقه

وبالنسبة لارام معبد باسم الهة هندوسية والالهات الهندية ياكثرها منها:راما,, رام ,, راماين,,شيفا,,شافا,, كريشنا ,, وغيرها..عموما اذا تعرفي موقع موسوعة ويكبيديا العالمية فيها مذكور هالشي بالعربي:
http://ar.wikipedia.org/wiki/%D8%B1%D8%A7%D9%85%D8%A7

وبالانجليزي متعمقين بالموضوع اكثر وبالصور:
http://en.wikipedia.org/wiki/Rama
وحتى فيه اغاني هنديه لهالالهة ادخلي ع اليوتيوب واكتبي راما واسمعوا بانفسكم واذا ودكم انا اجيب لكم

اسمعوا الدقيقة ال1:15

وهذا الثانية من فيلم يطلبون مغفرته:

اسمعوها بالدقيقة 00:34


من حق العالم تسمي اولادها بالاسماء اللي تبغاها والبعض يقول نواكب العصر والموضة ونمشي مع الدارج,, اوكيه مااحد اعترض وع كلام البعض ان اسامي امهاتنا والقدامى طويلة وثقيلة في النطق برضو مااعترضنا بس اللغة العربية من اغنى اللغات بحروفها وجمالها وتحتوي ع اجمل المعاني..اذا تبغون اسامي حلوة وخفيفة ولها رنه مميزة ومعناها اجمل ارجعوا للقران وحتى الشعر العربي القديم والمعاصر وقصائد كبار الشعراء من نزار قباني وجبران خليل جبران واحمد شوقي وايليا ابو ماضي وغيرهم كلها بالعربي الفصيح وغنية بالاسماء اللي جمالها بالمعنى يضاهي جمالها بالنطق..

وسلامتكم

عارفة كثير راح يطلوا ع الموضوع مشاهدة بس ومابيعجبهم كلامي وانه مجرد فلسفة بس المفروض الواحد يثقف نفسه ويوسع افاقه..هذي اسامي راح تلازمنت ع طول وحنا عرب ومسلمين قبل مانكون عرب ونعتز باسلامنا وبلغتنا وروعة اسامي وحروف لغة الضاد

وسوري ع الاطاااااااااااالة