مين حملت ب توام بمشيمة واحده

[الحياة 78]

السلام عليكم

هلا خواتي

حبيت استفسر اذا حد منكم كانت من حوامل توام بمشيمة واحده
ما شاء الله حرمه اخوي حامل باخر شهر الخامس والمستشفى اكتشفو ان واحد من بيبي عنده تضخم والثاتي صغير وضعيف. و الي عندها توام بمشيمة وحده. يسمونه ( متلازمة نقل الدم)

المهم حولووها ع مستشفى ثاني. وقررو يسوون لها عملية ليزر عشان يفكون العروق الدمويه الي تربط بين التوام في المشيمة. لكن ما قدرو لان هناك دم قالو حول العروق والمشيمة فما قدرو يسون شي غير يشيلوون من ماي الجنين عشان يخفف عليهم التخضم لان كثره الماي تزيد في تضخم الجنين وقلبه ينبض بسرعه والثاني ضعيف وصغير.

يحليلها كل اسبوع مواعيد يتابعونها. وبعد ثاني مرة قررو يسوون لها بعد عمليه ليزر يحاولوون يشوفوون اذا الدم خف ويقدروون يشوفون العروق عشان يفرقون بينهم بعملية الليزر لان رح تفيدهم80 % .

المشكله الدكتوره كل مره تقولها حطي في بالج انج يمكن تفقدينهم اذا ما قدرنا نسوي حل. وهي خايفه من كلام الدكتوره. وتقول لها عادي نولدج بعد شهر من تدخلين السادس. ويمكن يموت لا قدر الله واحد منهم قبل .

وقالت بغير الدكتوره. لمستشفى ثاني مثل مركز فقيه


نريد نعرف منو مرت مثل حالتها و البيبي كانو بخير مع كل تخمينات الدكاترة الي تجييب الاكتاب والتعب النفسي وهي املها بالله كبير وان شاء الله بيكونون بخير ان شاء الله .

وادعولها ان ما تفقد اي حد منهم وربي يتمم لها على خير ويكونون بخير يارب