تجربتي

[Shimaa mohammed]

السلام عليكم يا اخواتي
انا كتير استفادت من هذا الموقع جزاكم الله كل خير

انا بقالي سنتين متزوجه و مكنش بيحصل حمل
تعبت كتير خدت علاج كتير وحقن كتير

كمان كان عندي خمول في الغده الدرقيه والحمد لله باخد
التروكسين Eltrox 100

كل شهر بروح لدكتور مختلف اللي بكتبلي كولوميد .. وحقن فاستيمون
.. وماريونال .. وجربت حاجات كتير

والشهر ده انا حملت الحمد لله رب العالمين

من تالت يوم الدوره اخدت برشام LETROZOLE 2.5 MG
برشامتين كل يوم لمده خمس ايام
وبعدين من خامس يوم الدوره اخدت حقنه اسمها جونابيور –150 Gonapure
مع متابعه التبويض طبعا نزل 3 بويضات الحمد لله كانت 18 .. 20 .. 22
ومع ارشادات الدكتور ان الجماع يوم ويوم
الحمد لله الدوره اتاخرت وقعدت بعدها اسبوع كنت خايفه تطلع من الغده
لكن حللت طلعت حامل وفي الاسبوع السادس
اللهم ثبت حملي يا رب واجعله سليم معافي بدون زياده او نقصان

اللهم ارزق كل مشتاقه يا رب ومتحرمش حد من نعمه الامومه