النفسيه سيئة وتعب الحمل

[جنون الحب]

السلام شخباركم بنات

أنا ماعندي شكاوي هالمره بس تعباااااانه ابغا افضفض مخنوقه أحس

انا بأول الشهر السابع الحمدلله وزي ماتعرفو عاملة الربط علشان ولادات مبكرة سابقه وشكل الرحم ذو قرنين

السالفه ان طول فترة الحمل من بعد الربط وانا مرتاحه اقوى شي بس نايمه عند اهلي لااطلع ولا احد يدخل عندي غير امي وخواتي محد يدري اني حامل الا هاليومين قلنا لبعض القرايب ولمحنا لهم بس نفسيتي مررررة تعب

مااتحمل شي بس احس اني متوترة واحاتي وعندي خوف احيان ماادري من شنو تعبت اشوف الناس تروح وتجي وانا جالسه احس احيان بإكتئآب دموعي تنزل بروحها مااتحمل كلمه او اي عناد لامن بزر ولا كبير تعبت حتى هوشة البزارين موقادره عليها ويزيدها الزكام مدري شيبي خانقني
شي طبيعي بهالشهور النفسيه تطق او انا مزودتها احيان اصرخ على العيال لاقامت عندهم الهوشات ابد مخنوقه ومو رايقه لشي حتى تجهيز البيبي زوجي وامه شرو بعض الشغلات واغلبها كبيره على مولد جديد كان خاطري اطلع واتقضى بنفسي بس الوضع ماينفع واخر زيارة لي يقولي الدكتور استمري ع الابر واحتمال كبير كبير ماتكملي للأخير اقوله ليش يقول رحمك يمكن مايتحمل مع ان عنق الرحم مسكر وطوله مناسب بالشهر السادس خلاني اوسوس الله يقطعه اي الم يجيني اخاف ان شي مو زين >< استغفر الله وغير هالإبر تعبتني لازم بالعضل احس مكانها صار متورم والم وحبوب واحاتي بشكل بطني بعد الولاده يمكن مايرجع طبيعي
المهم دخت دخت ادري كلامي يمكن مخربط او ماله داعي بس والله تعبانه وخاطري بكلام يرفع من معنوياتي
ودعوه جميله بظهر الغيب تطيب لي خاطري <3