السلام عليكم ورحمة الله وبركاته
حبايبي انا مره حطيت موضوع بخصوص ام زوجي يمكن البعض منكم يدكرني
انا غبت فتره طووويله عنكم وما طمنتكم عني المشاكل بيني وبين زوجي كانت بتزيد كل يوم واكتشفت اشياء ماتوقعتها بيوم تطلع منو انا انصدمت وطبعا برمضان جدتي اتوفت ثالث رمضان تقريبا وزوجي كان قبلها ب4اشهر بره البيت جالس عند اهلو فا كلم ابويه انو بيرجعني ويراضيني سبحان الله انا رفضت قلت مايرجع وابوي خاصمني وهددني انو يعطيه عيالي وانو ياخدني البيت ويخليني خدامه لو مارجعت انا اصريت على قراري وسرت ادعي بصلاتي جلسنا الين ذي القعده ومن قوة الاصرار والطلم اللي شفتو كلمت ابو عيالي قلتلو طلقني انا ما ابغاك وقلتلو الاسباب قلي اوك بطلقك بس ماتعلمي اهلك على اللي شفتيه مني قلتلو اوك هو يقربلي وطلقني ب25ذي القعده وبعدها كلمني وقلي برجعك عشان الاولاد قلت طيب خد جلسه بالمحكمه وارجع عشان الاولاد اخد جلسه ورحنا المحكمه ابوي طبعا مريض بالقلب وبالجليه الشيخ اسمعو يقول مايجوز الرجعه قلت ليش يعني ماسار مده طويله بذي القعده طلقني وماخلصت عدة قال لا مطلقك من رمضان ابوي انصدم وانا انصدمت يعني رفضي ليه بعد رمضان انو يرجعني كان من ربي والمشكله بذي القعده طلب يرجعني يعني مخلصه عده انا هنا مررره انصدمت والشيخ قال مايجوز الا بمهر جديد وعقد جديد ابوي قال طيب عشان خاطر العيال لو يدفع 1000لبنتي رضوه ماقال شي وكلمنا ابو عيالي وقال والله ما ادفع ولا ريال اللي بدفعو فيها اروح ادفعو ببنت بنوت ابدالي منك من جد هدا القريب ويقول عني كدا وش خلا للغريب اخدت قراري اني ما ارجع وعيالي عندي ما امنعهم من ابوهم ولا ستهم هذولاء عيالهم ومهما كان العشرة ماتهون الا على ابن الحرام هو ولد قريبي كمان فا هو مره تغير يتلفظ عليا يقولي بجيك البيت واهلك مو موجودين بتقولولي ليش تكلميه عشان عيالو بس صغار واهلي عارفين بس ابوي مايعرف بهذا كله انا الحين ليا من رمضان الطلقه الاولى 8اشهر مطلقه وانا صغيره بعمري احس شايله مسؤوليه اكبر من سمي بس الحمدلله كل من يشوفني ينصدم اني مطلقه وصغيره >><اخواتي بدون تجريح الله يسعدكم ><<ابوي يقول ماتتزوج تجلس طول عمرها كدا الين ماتشيب ليش مو من حقي اعيش حياتي زيي زي اي وحده عيالي مافي ام ترمي عيالها البسه ماترمي عيالها الغى حل يريحني تكفووووووون اسفه اني طولت عليكم