اجهضت ولاحول ولاقوة الا بالله

[virona]

السلام عليكم والرحمه خواتي
انا ادرس في بلد اجنبي مع زوجي
كنت حامل في شهرين
وللاسف اجهضت اجهاض طبيعي
اساسا كانت عندي ضغوط من اهلي وما انرحمت كنت انام وعيوني مدمعه والله وكيلكم من اجهضت ما سمعت غير كلمات الشماته من الناس لدرجة ان اخوي ولد امي وابوي اتصل يتشمت بس ما اقول غير حسبي الله ونعم الوكيل
نفسيتي جدا تعبانه عسى ربي يشفعلي يوم القيامه لانه داري بحالي
الدكتور خيرني بين التنظيف ولا حبوب وانا فضلت حبوب لاني ما اثق في اطبائهم هنا لاذمة ولاضمير ماودي يخربون عندي الرحم والدكتور طمني ان الحبوب كافي لانه راح يفتح عنق الرحم كامل وينزل كل شي وراح ارجع ازوره بعد عشرة ايام للتاكد من ان كل شي طبيعي
سؤالي للبنات اللي مروا بهالتجربه المؤلمه ممكن تفيدوني شنو الاكل المفيد لهالفترة؟ لاني اغلب وقتي ارجف ودااايخه ولان الحبوب اللي اشربه يفتح عنق الرحم يسبب الم شبيهه بالولاده فعطوني مسكن قوي من اشربه ادوووخ واتخدر ... ومتى ممكن يصير حمل جديد ؟ ودعواتكم لي حبيباتي انا بس صايره حزينه وحاسه الدنيا ضايقه علي اللهم اجرني في مصيبتي واخلفني خيرا منها