موعدي أنابيب عند الدكتور عبدالعزيز الشهراني مركز بنون

[أم ريتان]

السلام عليكم ورحمة الله وبركاته
شخباركم بنات ان شاء الله كلكم بخير وصحة وسلامة
اليوم انا رجعت اكتب لكم بعد انقطاع عن المنتدى من 5 سنوات تقريباً
من خمس سنين لليوم ماحملت الحمدلله وقبلها اربع سنين يعني 9 سنوات ما حملت الحمدلله
وانا اليوم الحمدلله مو متضايقه ابد مرتاحه ومبسوطه مررا لاني بعد فترة علاجات وانقطاع متكرر قررت اروح مركز بنون عند الدكتور عبدالعزيز وسويت عنده المجهري ومانجح مع ان الدكتور كان متفائل مره بنجاحها لكن الحمدلله
المهم تكلمنا معه انا وزجي ونصحنا لا نضيع من عمرنا كثير ونسوي الانابيب لان كلما كبرت الحرمه تقل نسبة نجاح العمليه طبعا زوجي ماكان مقتنع بالانابيب ليما جلس مع الدكتور واقنعه الدكتور وحمسه ان نسبة نجاحها كويسه المهم بعد كلام الدكتور اقتنع
طبعا المشكله من عندي انا ضعف تبيوض وتكيسات وزوجي سليم الحمدلله
المهم حالياً بديت بكورس التنشيط جونال اعتقد اسمها كذا وبكرا اخر ابره وبروح الاثنين اتابع التبيوض وش صار عليه عشان بسوي الانابيب هالشهر ان الله اراد راح اتاابع معكم وش صار معي لاخر يوم بإذن الله

اللي ابيه منكم يا بنات دعوه ان ربي يرزقني بالذرية الصالحه ويرزق كل واحده تتمنى عيال
وتقولون لي تجاربكم مين اللي جربت تسوي انابيت عند الدكتور عبدالعزيز ونجحت من اول مراا ولا كم مررا عادتها او سوتها في نفس المركز
لان اول مراا اسويها وخايفه ماتنجح استخرت ربي وفيني قلق من من تجارب البنات اللي فشلت معهم بالرغم انه طمنا مراا مراا وقالنا ان في ناس حالتهم اصعب منكم ونجحت معهم وجابوا عيال طلعنا متفائلين خصوصا زوجي مره متفائل ربي يرزقني ويرزقكم بالذرية الصالحة يارب