مشتاقة للحمل وقصتي طويلة محتاجة حد يسمعني ويفيدنى

[Nosa Nanosa]

السلام عليكم ورحمة الله وبركاتة
اولاا استحلفكم بالله تدعولى بظهر الغيب ان ربنا يكرمنى بالحمل السليم المعافي ويقر عيني انا وزوجى بالزرية الصالحة وربنا يرزق كل مشتاقة ويقر عبنها منكم يااارب

ثانيا
انا كان عندى عضوية تانية فالمنتدي بس مش عرفت ادخلها تانى ونسيت الباص وورد ودة موضوعي فيها فاللينك دة عشان تبقو فاهمين حكايتي من فترة كانت اية

http://forum.hwaml.com/t350984.html

و هنا هقول التطورات
الموضوع دة كتبتة ف شهر 6/2016
ودلوقتي عدى علية 6 شهور كمان
اخدت قرار ف شهر 9 انى اعمل اشعة الصبغة عشان اطمن لان كل المحاولات والادوية مش جايبة نتيجة وعملتها والحمدلله الدكتور قاللى انى سليمة ومفيش التصاقات و الرحم كويس و مفيش انسداد فالقنوات ودة حمل كبير كنت شايلة همة والحمدلله اطمنت ان مفيش سداد

تابعت مع الدكتورة بعدها ب شهر وماشية عالسيدوفاج زى ما انا وادتنى مكمل غذائي و جيت قبل معاد البريود لقيت كيس دم اتكون بسبب جرح البويضة للمبيض وهيه بتخرج كنت خايفة يكبر ومينزلش بس الحمدلله تابعت واخدت ادوية و جيت عالمعاد البريود والدكتور قالتلى انة نزل واختفي
و لحد شهر 11 مفيش جديد .. ومش حصل حمل .. جيت روحتلها ف وقت البريود و كتبتلى على برشام حجمة صغير خالص لتنشيط البويضات لمدة 5 ايام و بعدها ادتنى حقنة تفجيرية وتانى يوم اخدت دوستينكس نص حباية على 4 ايام و مشيت على الدافستون لمدة عشر ايام.وكانت اخر مرة روحتلها قيلالى ان المبيض فية بويضتين جاهزين للتلقيح و الدنيا تمام
وبردوا جاتلى البريود الحمدلله على كل حال طبعا واكيد ربنا سبحانة وتعالى كاتبلي الخير ولية حكمة
بس انا نفسي ابقي أم و نفسيتي تعبت من الانتظار واسألة الناس البايخة وتدخلهم ف شئون الواحد
الحمدلله على ارادة ربنا بس انا عمرى ما تخيلت انى امر بالتجربة دى بالله عليكم ادعولى دعوة بظهر الغيب كل ما تفتكرونى ادعولى ان ربنا يرزقني بالحمل السليم المعافى
انا الفترة الاخيرة اخدت ادوية مع الدكتور كتير جداا وقبلها كان ظهرى تاعبني و عضلات الظهر كانت متقلصة و القولون كان ملتهب و كنت بأخد ادوية كتيير بردوا
ف انا قررت اخد هدنة من الدكتورة و من الادوية و احاول امشي عالاعشاب يمكن تجيب نتيجة
انا سمعت عن القسط الهندى هجيبة بأذن الله واجربة
وماشية عالبردقوش و الشمر و الحلبة و القرفة و الجنزبيل
مين جرب الحجات دى وجابت معاه نتيجة
ومين مر بظروف شبهي و ربنا كرمها و حملت
محتاجة احس بتفائل و عارفة ان النفسية بتأثر على احتمالية حدوث حمل
محتاجة دعوة منكم و اهتمام انا الى بمر بية دة مش قيلاة لحد غير زوجى ووالدتى و حسة انى بتقطع من جوة ومش عارفة افضفض مع مين