السونار حيرني وانا بنهاية الخامس

[الغروب المنسي]

كيفكم يا بنات
انا حاليا في اخر أسبوع من الشهر الخامس
عندي قبل ولد وبنت وهذا حملي الثالث

كل أعراض حملي نفس أعراض حملي بولدي وكل الأحلام تفسيرها
أني حامل بولد وإحساسي طبعا من بدايه الحمل أني حامل بولد
وانا الله رزقني البنت والولد فما تفرق معي اهم شي أقوم انا والبيبي
بخير وعافيه
رحت في بدايه الرابع والدكتوره مباشرة قالت هذي بنت وبعدها عملت سونار في
نهايه الرابع والدكتوره قالت بنت بس مو أكيد لان فيه حاجه منتفخه وقالت
احتمال تكون كيس الصفن او الشفرين متضخمين بس شايفه ثلاث خطوط
وآخر سونار في نهايه الخامس كان البيبي قافل رجوله ويتحرك كثير
فطلبت مني الدكتوره اكح وكحيت وتحرك وانا اشوف الشاشه مع الدكتوره
شفت مثل العضو على شكل سلحفاة بس ما ثبتت الصورة بسبب حركة
البيبي كثيرة ما شالله وكحيت مره ثانيه وفتح وايضاً شفت نفس المنظر
وانا ساكته انتظر الدكتوره
قالت شوفي انا ما قدرت اثبته حتى أخذ صوره واضحة بس شاكة انه ولد
وعرفت حينها انها شافت اللي شفته بس قالت يمكن مع الحركة يكون الحبل
السري تحرك بين الرجلين
وطلبت أني أعمل سونار اخر بعد أسبوعين للتأكد


يا بنات من صارلها زي كذا وايش جابت انا حاليا اشتري اثاث بيتي
الجديد الحمدلله ونفسي ارتب غرف أولادي وإريد اتجهز للبيبي على حسب
جنسه

دعواتكم الطيبه حبيباتي