الله يرزقكم راحة البال طمنوني ❤

[ميااااده]

السلام عليكم .. كيفكم بنات ؟
انا أول مره اسجل بمنتدى �� بس كنت ابحث واحصل الرد والتعاون عندكم قلت اطرح لك مشكلتي يمكن وحده مرت باللي مريت فيه ��
انا متزوجه لي سنه واربع شهور استخدمت مانع ( حبوب مارفيلون ) لمدة 6 اشهر وتركتها وبعد ماكملت سنه زواج زوجي قلق عليه ورحنا للدكتوره وعملت لي تحاليل وطلع هرمون الحليب مرتفع واخذت حبوب وانخفض الحمدلله بفتره قصيره وقالت استمري عليه نص حبه كل اسبوع وإن شآء الله يصير حمل ..
وماحملت رجعت لها ثاني وعملت تحليل البروجسترون يوم 21 من الدوره طلع عندي 13 وقالت مررره منحفض ماراح يصير حمل بذي النسبه مع الدوره لازم نبدأ منشط !!
كنت خايفه من المنشط ورحت لها واخذت منشط الشهر اللي فات وعطتني معاه ميتافاج وقالت لي ماراح اتابع معك تبويض هذا الشهر عشان ماتقلقين اعطيك فرصه تحملين طبيعي رحت اليوم 21 حللت الهرمون ارتفع الحمدلله صار 22 ومكتوب بورقة التحليل انه من 18 إلى 25 احتمال حمل وفرحت بالنتيجه ورحت اليوم الثاني للدكتوره قالت لا باقي نازل الهرمون ماينفع لازم فوق 30 ��
بس ماراح اكتب لك على منشط قبل اعمل لك سونار اطمن عليك اول وبعد السونار طلع عندي بويضتين وحده 22 والثانيه 21 قالت حجمها ممتازه بس للأسف نزلت متأخر يوم 23 مو في موعد الاباضه فما راح تستفدين منها اذا نزلت الدوره تعالي اعملك سونار كمان واشوف اذا نزلت اعطيك منشط وبرنامج يضبط التبويض واذا مانزلت مافيه منشط لانها بتتحول اكياس تضرك!!

المهم للحين دورتي متأخره 3 ايام وقالت لي مستحيل يصير حمل وش الحل ؟؟!
المشكله وراي سفر ونفسي اروح للدكتوره قبل السفر وش اسوي عشان تنزل ��