بسبب امي انا وزوجي قربنا نتدمر .. واختي تقوللي ربي بيعاقبك ..

[Um sara1]

امك موحابه زوجك من البداية او بالاصح ماهي مرتاحتله ممكن تكون هي شايفه شي احنا مو شايفينه وطبيعي لانه زوجك حبيبك ماراح تشوفين الخلل ممكن بسبب موقف او حاجة حصلت ماندري عنها وهالشي حله بسيط بطلي تعتذرين عنه وتبررين له وتدافعين عنه باسلوب مباشر واستبدلي هالاسلوب بالتمويه مثلا تجيبين هديه وتقولين من عند زوجي تمدحينها على لسانه يمدح طبخك يمدح شخصيك زوجي يقول ياليتك مثل امك
ممكن هالشي مايغير نظرتها له اذا كانت عن قناعه لكن يخفف من التوتر والضغوط سواء عليه او عليك

اما الامور الثانيه حتى لو كان لها دور فيها تقدرين تعوضينها وتجتازينها من جديد

بخصوص مشاعرها تجاهك انا مقتنعه تماما ان في امهات يفضلون بعض الابناء على بعض او ينظرون لاحد الابناء نظرة اقل من اخوانه والمشاعر ممكن تكون في صالح احدهم وضد اخر لكن في النهاية هي امك مثل ماقالو البنات مالك حق تختارين غيرها وملزمه بطاعتها والتجاوز عنها ونسيان اخطائها يعني عامليها عالاقل بالمثل اذا كنتي بعيدة حسسيها باشتياقك وحرصك على شوفتها واذا كنت معها كوني ملاصقه لها واعملي باوامرها وان شاء الله انتي مومقصرة

ليش اقولك هالكلام بكره تصيرين ام وتستشعرين كل لحظة تعب عاشتها في سبيل جيتك للدنيا وكل سهر وقلق عاشته من اجل تربيتك الين صرتي عروس