بنات الحقوني حامل 9 اسابيع والدكتورة بتقول ما في نبض ..خبرتكم بنات

[بسمة أمل 111]

مسا الورد صبايا
بكتبلكم وانا متوترة كتير وحاسة حالي مخربطة على الاخر
اخر دورة لي كانت 30-11-2015
رحت للدكتورة في 13-1-2016 وقالتلي الجنين عمرو 5 اسابيع وشافت الكيس وقالتلي تعالي بعد اسبوعين نسمع النبض
بس انا رحت سجلت في الحكومي لانو المستوصف جنب بيتي وعطوني موعد شهر اللي هو كان اليوم
ولما دخلت على الدكتورة ضلت ساعة اتحقق في السونار وبالاخير قالتلي ما في نبض يا اما الجنين متوفي او الحمل صار متأخر اعطتني موعد بعد اسبوع عشان تتأكد واذا ما ظهر النبض رح تنزلي الجنين
انا سألتها طيب كم عمر الجنين قالتلي اصغر من عمرو بشوي يعني تقريبا 8 اسابيع بس لازم يكون عشرة
مع انو انا على حسابي لازم يكون 9 مش عشرة
بنات خبرتكم شو اعمل انتظر اسبوع ولا اروح على دكتورة غيرها
بنات مين وصلت الاسبوع التاسع وما سمعت نبض وبعدها رجعت سمعتو
طمنوني ابقى على امل ولا خلص ما بقى اتأمل على الفاضي