نزل مني دم ومعي الم اسفل الظهر والبطن

[انوثه حنونه]

السلام.عليكم
كيف حالكم يا اخواتي ؟
تكفون اللي عندها شي يطمني ع حالتي تقول لي
انا توني دخلت الشهر الرابع وامس صار معي الم ونزل
مني دم علما اني اخذ مثبت دوفاستون مرتين باليوم
من عرفت اني حامل
المهم لما نزل الدم معي رحت للدكتوره واخذت لي سونار
قالت ان البيبي الحمدلله كويس وهذا الدم من كيس كان
فيه جنين وتوقف نموه والحين نزل منك وعادي ماياثر
ع الجنين ان.شاء الله وكتبت لي ابر مثبته زياده ع الحبوب
سألتها عن.كل شي الا عن.الالم اذا طبيعي يكون معي والا لا
يجيني الم شبه متواصل اسفل بطني والم ظهري مستمر معي
الدم وقف الحمدلله اليوم بس رجع نزل مني افراز بني مو قليل
ولا كثير وبعدها الالم.متواصل بس ع خفيف ومافيه دم
انا خايفه ع الجنين يصير شي فيه بعيد الشر .. يعني مع الم البطن
والظهر
ومو مرتاحه طول الوقت افكر
اللي مرت بنفس حالتي او تعرف احد صار لها مثلي تطمني
انا كل خوفي من هالالم اللي معي
تكفون لا احد يخوفني ويقلقني اكثر
والله يجزاكم خير ويرزقكم الذريه الصالحه..ويتمم حمل كل حامل
ويقر عينها بشوفة مولودها سالم معافى