اللبوس المهبلي أثناء الحمل

[مدام خالد]

السلام عليكم ورحمة الله وبركاته
مساء/صباح الخير عليكم ..
أنا عضوة جديدة في المنتدى هنا ولسة مسجلة حالا ..
وما شاء الله ده منتدى رائع ومنظم وشدني للتسجيل فيه وشرف ليا اكون جزء من اسرتكم وعضوة في المنتدى ..

أنا متجوزة بقالي 8 شهور والحمد لله ربنا كرمني بالحمل وانا في شهري التاني وبكره اخر يوم ليا في الشهر التاني ده على حسب حسابات الدكتور ..

انا عندي استفسارين ياريت مكنش بطول عليكم فيهم ..

اولا:

بتنزل مني افرازات اوقات لونها ابيض كثيفة واوقات لونها اصفر باهت بس في كلا الحالتين ملهمش ريحة سيئة ولا بتسببلي حكة بس بعد الجماع مع جوزي بيبقا في حرقان وانا كلمت طبيبي في الموضوع ده ووصفلي لبوس مهبلي اسمه امريزول - ن ..

انا اللي اعرفه انا بيتاخد مرة واحدة قبل النوم بس الدكتور وصفهولي انه يتاخد كل 12 ساعة ..
مش عارفة اخده مرة واحدة ولا مرتين خايفة اخده مرتين يكون في خطورة على الجنين ..

الدوا ده عامة امن على الحوامل بس انا قصدي على الجرعة نفسها .

ثانيا :

انا استخدمت اللبوس ده مرة واحدة امبارح بالليل قبل النوم واتافاجئت النهاردة الصبح ان كان في مية كتيييييير جدا نزلت عليا .. انا مش عارفة المية دي ايه وخايفة تكون من مية البيبي مع اني مش حاسة بحاجة غريبة من الصبح يعني مفيش تقلصات ولا اي حاجة كله تمام الحمد لله ..

واسفة لو طولت عليكم بس ياريت تفيديوني لاني قلقانة .