إسقاط ب شهر 3 و جرثومة القطط igg جننتني ما عم تحل عني

[انين الانتطار]

مسالخير يا بنات
هاد أول موضوع بشكي فيه همي يلا جهزو حالكم هههههه
انا متزوجة من 10سنوات عمري32 . . كنت أحمل و سقط بكل الأشهر و كل مرة كنت احمل فيها يطلع لي سبب أعالجو ب الحمل اللي بعده و ارجع أسقط و يطلع سبب غيرو و الله تعبت قد ما ركضت ورا الأطباء
انا معي مرض السكري من لما كنت صغيرة. . الحمد لله ع كل حال
المشكلة انه الحمل كان يصير عندي كل فترات بعيدة
مات لي أول جنين كنت حامل ب الشهر الثامن.. بعدها ب تاني مرتين و مرة ب رابع . .
بعدين عملت زراعة طفل أنابيب جبت توأم ب الشهر السابع ولادة مبكرة . واحد مات بعد شهر و ضل معي واحد
صار عندي حمل هي السنة بشهر شباط .. وصلت للشهر الثالث و مات الجنين . .ع أساس كانلازمني مميع للدم كنت أخذه ب ابني اللي زراعة . . مع ذلك أخذت المميع هاد الحمل و مات الجنين فجأة . .
حللت جرثومة القطط طلعت موجودة عندي بس الموجودة هي igg مش igm
بالعادة igm تدل ع الإصابة الحالية و igg تدل ع إصابة قديمة و يفترض ما تحتاج علاج
بس الدكتورة قالت هاد سبب الإسقاط لان ما طلع معنا سبب تاني . .

مين صار معها هيك أو سمعت عن وحدة هيك؟؟
و المشكلة الدواء تبعها مش متوفر عم وصي عليه من الشام و صرلي شهر حتى قدرت جيب علبة وحدة بس و قال لازم آخذ علاج شهرين يعني شي خمس أو ست علب . و قال مجرد صار حمل لازم آخذ الدواء مرة ثانية اول ثلاثة شهور من الحمل
محتارة . . أعطوني آرائكم يا بنات
ها الجرثومة معي من زمان عالجتها مرة و هي رجعت هلا. . كمان دايما مشكلتي مع igg
لو أنه يحل عني هههههههه
مش عارف اني غصب تا أحمل !!!
شو صعب يكون السبب غير واضح ع الأكيد و كلما مشيت ب الحمل اتفاؤل شوي و أتحمل صعوبة الحمية تبع السكري و المحافظة ع نسبة السكر دايما
و بعد كل تعب ارجع افقد الجنين

يارب ساعدي و اجبر خاطري و يسرلي الحمل التام الثابت . . و كل مشتهية يارب