أنا حاااااااااااااااااااااامل بأغرب قصة حمل على الإطلاق

[ريومة الأمورة]

بعد ما أجهضت بسبع شهور لما قلتلكن انو البيبي توقف نبضو ... ضليت طول الشهور الماضية عم اتلوى بعذاباتي وابكي وموضوع الحمل ما كان يفارقني لحظة... وكيف للأم يلي ذاقت طعم الأمومة ولو 3 شهور يفارقها هداك الإحساس المفجع المفاجئ انو خسرت طفلها.... كنت كل يوم لبس الدبوب أواعي ولاد صغار وضمو وابكي ونام... وزوجي مايقدر يعمل شي غير انو يدعيلي ... واكتشفت بعد ما اصريت على زوجي يحلل بعد الإجهاض انو حركة النطاف عندو بطيئة وطبعا رحنا لدكتور وعطاه خلطات ياخدها فيتامينات وعسل عالريق وجوز.... وقلو مفعول الدوا ببلش بعد 3 شهور .... وهاد الشهر يعني الماضي حسبت أيام التبويض بدقة ليصير فيهن جماع ... بس الشي الغريب يلي صار انو قبل دورتي ب 3 أيام صار جماع كمان ....وفاتتني الدورة والتحليل يطلع سالب وضل يطلع سالب لليوم 13 من غياب الدورة ... أنا فقدت الامل بصراحة انو يكون في حمل ورحت لدكتور فحصني عالايكو وقلي مافي حمل رح اعطيك دوا ينزل الدورة واشربي قرفة وزنجبيل ... بس أنا كأنو شي وقلي ما تشربي الدوا ... وفعلا ما شربتو... وصار اليوم 16 وما اجتني الدورة جبت تحليل حمل وأنا يائسة لاجرب ... وإذ بلاقي خط تاني خفيف كتيييييير ...فكرت التحليل خربان رديت عدتو كمان طلع خط خفيف ... قلت لزوجي خلينا نروح عند دكتور تاني ...رحت عند دكتورة قالتلي ما مبين الحمل عالايكو راجعيني بعد اسبوع .... وبهالأسبوع صرت حس بدوخة ولعية ... لحد ما اجا اليوم يلي هو يوم التحليل رحت لعندها والمفاجاة انو شافت البيبي عالايكو وفورا أعطتني ابرة مثبت ووصفتلي اسبرين وفيتامين وفوليك وقالتلي كل اسبوع بدك ابرة ليثبت بإذن الله ......قلتلها دكتورة اليوم بيصرلي 23 يوم فايتتني الدورة ليش لهلأ لبين الجنين ... قالت صايرة عندك إباضةمتأخرة قبل الدورة ب3 أيام ..... وسبحان الله صار الحمل .... لما الله يريد بتحقق المعجزات .... وانا كنت يائسة من الدنيا بس أملي بالله كبير ... وعقبال عند الجميع حبايبي ...