صاحبتى زعلانه منى عشان قولتلها انا حامل

[rozana2015]

السلام عليكم و رحمه الله و بركاته
زى العنوان كده صاحبتى من ساعه ما قولتلها انى حامل و هى عملالى حظر على التليفون و ملتكلمنيش
هى القصه من الاول ان دى صديقه العمر من اعدادى و احنا دلوقتى مشاء الله بقينا 33 سنه
هى اتجوزت قبلى ب 4 سنين و مخلفتش لغايه دلوقتى
انا اول ما حملت مقولتش لحد انى حامل الا لاخواتى لانى حملت بعد 3 سنين جواز و بصعوبه فقولت استنلا تعدى 3 شهور الاولى لغايه لما الحمل يثبت و اقول للناس
حتى اخوات جوزى ميعرفوش اخواتى بس اللى قولتلهم و بعدين جيت اقولها انى فى الشهر الثالث لقيت صوتها اتغير و و راحت متحججه باى حاجه و قفلت
قولت معلش اكيد زعلت عشان لسه محملتش و قدرت ظروفها
بس اللى مجننى انها من ساعتها و هى ملتكلمنيش و لا بترد عليا
تفتكرو هو انا غلط فبها انى مقولتلهاش اول ما عرفت انى حامل مع انى بلاقى الناس حوليا محدش بيقول عالطول
تفتكرو هى اللى و حشه و لا انا اللى وحشه و هى عندها حق؟؟؟؟؟