كنت ارضع بنتي وانحسدت (نصايحكم )

[beauty]

السلام عليكم

اخواتي صارلي كم يوم والده ونفسيتي تعبانه شوي اعذروني
على عدم ترتيب الكلام
احس اني مربطه مو قادره حتى افكر وش اسوي بحالتي

انا ولدت واخذت في بيتي 5 ايام وبعدها سافرت لاهلي
وكنت ارضع بنتي طبيعي وشعور حلو بعد ماجيت لأهلي اخر الايام البنت
لااله الا الله كل ماترضع مني ( تشرق )<يدخل الحليب عشوائي وتبدا تكح
ويروح نفسها واخذ كم دقيقه اهزها وطق ظهرها ابي النفس يرجع
واذا نامت تعالوا اسعوا صوت صدرها كأنه واحد كبير فيه ربو
وكل مره قلبي يتوقف تعبت يابنات وقررت احرمها صدري
وديتها المستشفى قالوا ممكن الماء حق الولاده ماسحبوه كويس
المستشفى اللي ولدت فيه كويس ومتاكده منه وبنتي ماكان فيها شي الا لما جيت لاهلي
ولما زاروني الحريم وشافتني الشغاله

وهي عادي اذا رضعت صناعي لكن تعذبني وربي اتعب وانا اشوفها تتقطع تبي صدري
تخيلوا ارضعها صناعي تنام وبعد خمس دقايق تقوم تدور صدري اقوم الصقها بصدري
ترتاح شوي لكن تقعد تلف وتلف تبي تمسكه بفمها وابعد عنها


كل مااعطيها حليب صدري لازم تشرق ويروح النفس وتعصب وترجعه كله
ترجع كثير كثير حتى الصناعي اللي قبل كم ساعه يطلع كله
سبحان الله وربي مو وسوسه ولا شي وقلت بتأكد
رحت اسحب الحليب واحطه بالرضاعه واعطيها وياسلام مافيه اي مشاكل عادي جدا




قولولي هل انا محسوده
او
او مجري الحليب صاير وسيع لاني اسحب بالشفاطه بقوه
الان لي 28 يوم وهي مو فاقده الامل تدور عليه

حسبي الله على من كان السبب
انا غلطانه قعدت ارضع قدام كم حرمه جو يقهووني وقلت عادي كلوحده فيهم
عندها 9 عيال
وبعد الشغاله تشوفني وبس عيونها علي وبلاخير قالت كيف يطلع حليب ؟؟؟؟؟؟
انا في بيبي ثنين مافيه يطلع حليب واروح اشتري صناعي غالي



حتى اللهايه ماتبيها تعبت اقنعها ماتبي الا صدري
كيف ارقي نفسي وش اسوي الحمدلله على كل حال
اللهم انك كتبت هذا الشي على بنتي اللهم لااعتراض بقدرك يارب تشفي بنتي