تجربتى مع الولادة المائية

[Envie]

السلام عليكم
انا كنت منزلة موضوع وفى اخوات نبهونى لكتابة قصة ولادتى وعلشان كدا هكتبها وان شاء الله كلكم تستفادوا
فى البداية مدة الولادة وهى 12 ساعة (كتبت بموضوع تانى 22 عن طريق الخطاوماقدرت اعدلها) وهى ولادة فى الماء وبدون مساعدة يعنى ولدت نفسى بنفسى والحمد لله بدون قطع عجان وهى اول ولادة ليا
نبدا فى مضمون القصة
الساعة 1 ونص بالليل تقريبا كنت بحس باوجاع خفيفة تيجى وتروح شبه الام الدورة بس اقوووى منها وانا بالاسبوع 40 يعنى مجهزة حالى للولادة لان موعد ولادتى كان قريب فقمت وخلعت تقريبا كل حاجه الا البرا او حمالة الصدر ورحت علشان اسخن ماء البانيو والماء بينزل من البانيو والوجع دايما بيروح وبيجى واختفى لمدة 10 دقايق تقريبا بعد ماخلاص البيانو كان جاهز انا افتكرت انه مجرد طلق بس طلعت غلطانة طبعا هههه لانى لسا بفكر ولقيت ماء الراس نازل منى واتبهذلت وماعرفت الحل وكنت هتصل بالمستشفى بس الالم منعنى بصراحة فجاة قووى بسرعة وماكان قدامى غير انى اقعد بالماء واعمل تمارين تنفس واسترخاء وانا متعلمتها من كورسات باخدها من دايات اثناء حملى وشفت ان النساء بالمماء بيكونوا مسترخين وولادتهم بتكون رووووعة وجاتنى الفرصة لايدى والحمد لله افضل من انى اتبهذل بالمشافى وبس اتذكرت كم ولادة شفتهم قدامى وشغلت عقلى وشفت الساعة لقيت الوقت متاخر قلت اساعد نفسى بنفسى احسن ولما يطلع الصبح بشوف حل تانى
بس الشغلة اللى مش كويسة فعلا انى كنت بحس الالم يزيد من غير مااعرف وسع عنق الرحم وكنت على طوول بحاول اغير وضعيتى علشان تكون مناسبة واعمل تمارين تنفس عمييييق وغمض عيونى وافكر باشياء تانية علشان اسرح وانسى الوجع شوية وطبعا بدعى لله وبقرا علشان يخفف عليا والرحمة رحمته ومن عنده
والساعة 4 الصبح بدا الالم يقوى اكتر واكتر وماصرختش بصراحة اولا لانى بكره الصراخ تانيا لانه يستنزف طاقة الوحدة وماله ولا اى فايدة وكمان احتراما للجيران لان الحى هادئ جدااا
ايوووة قبل ما انسى حاجة مهمة جداااا انصح فيها الكل والمفروض هى متوفرة بالمستشفيات بس انا اشتريتها وينباع ببع مواقع الانترنت وهو entonox (غاز واكسيجين) اشتريته وخليته دايما فى الحمام للطوارئ متل هالحالة ههههه وبيساهم في تخفيف الام الولادة وكمان فى اشياء تشبه تقويم الاسنان تحطيها بفمك وتخفف الام الولادة بشكل مش طبيعى بجد الاتنين ليهم دور فعااال فى تنقيص الالم حتى انى لاكتر من نص مدة المخاض والالام اللى كنت بحسها كانت تطاق يعنى مش الم لايطاق تماما متل الدورة الشهرية واحيانا اخف بشووية وهده صورة laboraide اللى بعتبره بصراحة اعجوووبة


انا لما حسيت ان الالم قوى اكتر من اللزوم (فى حدود 5 او 6صبح) حطيت منها بالفم ونتيجته اكتر من رووووعة مدهشة بالفعل
مع الاسترخاء اللى بيعطيه الماء والدفئ التجربة فعلا صارت اكتر من رااائعة بل اكتررر من مذهلة وماتوقعتها تكون سهلة
على الساعة 11 ونص او فى منتصف اليووم حسيت ان الالم رجع يقوى اكتر مما كان عليه فاخدت laboraide طبعا حبيبى ههههه اخدت اللى لازمين ل7 حتى 10سم مع انى مش بعرف مدى اتساع عنق الرحم بس قلت خلاص كل ما احس الالم يقوى اخد اللى بعده وبس وضل مستوى الالم متوسط ولله الحمد على كل حال لحد الساعة 1 بعد الزوال حسيت الام اقووى وخاصة بعد ربع ساعة حسييت بالم قوى وفى البداية كنت بحس بنغزات بس طبعا مادفعتش لانى لما كنت باخد الكورسات كنت بعرف ان فى وقت محدد للدفع علشان لو ندفع بالوقت اللى مش مناسب هدا بيتسبب بتهتك في منطقة الحوض والمهبل والعجان وممكن يسبب تمزقات تصل لرابع درجة وتوصل حتى لمنطقة الشرج فلازم لما ندفع ندفع برااااحة وبلا قووة وباخر الوقت علشان ندفع كم دفعة بس باذن الله
المهم... بعدين انا دفعت برااااحة تامة وشوية شوية وحسيت ان الراس بدا يطلع فدفعت مرة تانية وبعد كم دقيقة تنفست كوويس ودفعت دفعة تالتة ودفعة رابعة ومسكت راس البيبى بايدى بخفه بدون مااظغط علشان اساعد ملاكى حتى تطلع وفى تمام الساعة 1 ونص شفت احلى بنوتة بالدنيا وبستها وحضنتها وحطيتها على صدرى وعيونى دمعت عليها وانا احضنها
واغتسلت بعد مانزلت المشيمية والحبل السرى وقطعته (طبعا هدا كلوو بفضل الله اولا وبفضل الكورسات اللى كنت باخدها تانيا مفييدة جداا جداا) وبعدين وجهزنا حالنا ورحنا للمستشفى حتى تاكد من سلامتها ووزنها واعرف اذا صارلى تمزق بس الحمد لله كل الامور تمام لاتمزق عندى ولا مشكلة صحية عندها ومع ذلك قالولى لازم ابقى يومين او 3 تحت المراقبة
بصراحة يوم 30 نوفمبر كان احلى يوم بحياتى ومستحيييل انساه لان احلى ملاك شرفت ونورت دنيتى يوجودها وهذه صورتها تانى يوم قولوا ماشاء الله


وهذه صورتها وهى تتحمم بالمستشفى تانى يوم كمان


لاتنسوا تصلوا على النبي وتقولوا ماشاء الله
وان شاء الله عجبتكم التجربة والموضوع
عقبالكم كلكم