ممكن تساعدونى

[سوده المصريه]

السلام عليكم ورحمة الله وبركاته

الله يبارك فيكم اخواتى تفيدونى بمعلوماتكم
انا الحمد لله عملت اختبار الحمل بالبول اكثر من مره والحمد لله حامل
اخر دوره نزلت لى كانت بتاريخ 15/10/2014 ودورتى الجديده كانت معادها يوم 10/11/2014
وعملت الاختبار بعد يومين من تاخرها والحمد لله النتيجه ايجابيه ورحت للدكتوره كتبت لى على مثبت دوفاستون واسبوسيد وفوليكاب وقالت لى اجيى لها بعد 15 يوم وانا روحت لها امباراح بتاريخ 26/11/2014 وهى قلقتنى ووترتنى كثييييييير بصراحه عملت كشف سونار على البطن مش بان حاجه عملت سونار مهبلى بان شي بسيط جدا قالت لى الحمل ضعيف او الجنين ضعيف بصراحه مكنتش مركزه خالص بعد ما صدكتنى وخلتنى اعيد تحليل البول تانى والحمد لله ايجابى وطلبت منى اعيد الدوا وزودت كمان حقن prontogest وقالت لى اهتم بتغذيتى اكثر من كده بكثييير وارتاح لمده اسبوعين وبعدين اروح لها عشان اعيد الكشف تانى
وانا من ساعه ما سمعت كلامها ده وانا حالتى ما يعلم بيها الا ربنا واتمنى انكم تفيدونى شويه
امتى يظهر الجنين بالسونار وحجمه يكون اقد ايه ؟ وياترى انا وضعى كده طبيعى ولا لاء
مع العلم انى لحد الوقتى محتش بحاجه من اعراض الحمل غير بس اول اسبوع كان عندى امساك , وبحس بالام خفيفه اسفل الظهر ومغص بسيط ومش دايما وعندى كثرة تبول اعزكم الله
وانا عندى تكيسات

ارجوا انكم تفيدونى واسفه عالاطاله