مستشفيات المدينه الحكومي والخاص

[ام مالك1122]

السلام عليكم ورحمة الله وبركاته

طبعاً انا من كثر مو شايله هم وخوف مو طبيعي سألت كثير
واستفسرت عن المستشفيات لاني بكريه ومره خايف

الالماني.. عليه مدح بس من بعد ماراحت د/سلوى صار الزحمه عند
د/ حامد
مميزاته نظافه فقط
سلبياته الاهتمام بعد الولاده مو قد كذا ..مادي بشكل غير طبيعي
سعر الولاده طبيعي 6500&قيصري من 10الى12الف
زحمه لانه اغلب اللي يجي محولينهم من مستشفى الولاده لما يكون زحمه
الحضانه سيئه ..ولاقدر الله حصلت مضاعفات يحولون للحكومي

الوطني اللي هو المطبقاني
كثير يمدحوه اهتمام ونظافه وخياطتهم تمام
مميزاته انه قريب من الولاده ..بالنسبه للدكاتره كلهم شاطرات حسب شهاده الكل ومافيه حاجه كامله احيانا يستهونوا بالقيصري اسعارهم للولاده معقوله مقارنه مع الالماني الطبيعي 3500واذا تبغي دكتوره معينه زياده الف ..القيصري ماسالت

المستشفى العسكري .. معاملتهم حلوه لانه فيه رقابه واحلى شي انه مافي زحمه ومايستعجلوا بالطلق يخلوك ع راحتك ..بعد الولاده اهتمام من الفلبينيات

مستشفى أحد .. مالي علم فيه ابد اعتقد بعد حكايه العزل صارت الناس تخاف منه
بس من ناحيه انه حلو لان الممرضات فلبينيات عكس السعوديات الله يسامحهم الرحمه راحت منهم

مستشفى الولاده. .مميزاته دكاتره على مستوى واجهزه ونظافه ويفهموا لانه تجيهم كثير حالات ..سلبياته حسب ماسمعت انه التعامل سيء رغم انه كله ممرضات سعوديات بس الاكيد فيه الزين والشين

هذا بس اللي قدرت اجيب عنه معلومات والخيره فيما اختاره الله كلها تساهيل من الله
واللي لها تجربه من هالمستشفيات لاتبخل علينا فيها خصوصاً الولاده لامه أفكر اولد فيه
دعواتكم اخواتي