مشكلة تأخر الحمل و زوجي رافض الفحص

[التائبة لله(ام محمد باذن الله)]

السلام عليكم حلوات
الله يخليكم ساعدوني شو اعمل مع زوجي
احنا صرلنا متزوجين سنة و لهلا الله ما كتبلي الحمل رحت للدكتورة مرة وحدة فحصتني و قلتلي ما فيكي شي و عملتلي تحليل دم و قالت ما في شي بس الكريات الحمراء صغار شوي و قالت ما يخوف و ما عطتني دواء و بعدين بقيت لفترة و قلت لزوجي احب اروح لعند دكتورة تنية لان الاولى ما طمنتني قالي ليش قلتلو احب اشوف شو لي ياخر حملي عصب علي و قالي اذا تجيبي سيرة الموضوع اذاتجيبي سيرة الموضوع ةذا تاني ما رح تشوفي خير ومن شهر اخذتني امو لعند طبيب اعشاب قالي اذا انت و زوجك ما فحصتوا ما اقدر اعرف السبب من مين و ما اقدر اعطيكم علاج الا لما تعملوا تحليل بس زوجي ما رضي و مو حاب يسمع سيرة الموضوع ابدا
ماني عارفة شو اعمل انا تعبت حابة احمل و الناس ما خلوني انسى الموضوع يقولولي ليش ما حملتي اكيد انتي معمولك عمل و اكيد انتي محسودة انا والله تعبت صرت احب ابقى لحلي و بحب شوف حدا حتى التليفون دايما مسكر مشان ما يحكي معي اي حدا انا خايفة حالتي تطور و يصير عندي مرض نفسي
الله يخليكم ساعدوني