هل تأخر حملك أثر على شخصيتك وحياتك؟؟؟

[حلمي في طفل]

الله يرزقنا يارب في القريب العاجل
والله انا في السنوات الاولی كنت كل ماتنزل الدوره هتيك يابكی
وانحرق وكل شهر يعدي واهلي واهله يسألون كنت انحرق من جواء لين صار الموضوع عادي
او فيكم تقولون صار عندي تبلد من كثره الكلام في فتره العشر سنوات بس والله اذا تبون الصدق انا مرتاحه مع زوجي ومو مخلي عليا قاصر ودوم طلعات ومطاعم وسفريات وتغير جو والعشر سنوات احس انه بعدنا عرسان فيها والله ماكنأنها عشر سنوات والحمدلله الحمدلله
بس كلام الناس الي يخليك تفكرين في الاطفال وانا من النوع الي احب الاطفال من صغري واللحين كل مااشوف طفل والله اتحسر علی حالي وعيوني تدمع عشان خاطري في واحد يفرح قلبي وقلب زوجي
وكله كوم ولا تحمل وحده من بنات عمامي او خوالي كنت انا اخر وحده اعرف ومن امي هي الي تقولي
ودوم يخبون عليا خلاص صرت مااروح مكان غير مع زوجي او جالسه في بيتي 24 ساعة وهو جالس وياي ومااروح ولادات ولا زيارات عشان الاسأله السخيفه الي مايحسون بحرقتها الا الشخص المحروق
وكل مااحد سألني اتظاهر باالقوه باالرغم من ضعف قلبي وضعفي وكأنهم يرشون الملح علی قلبي المجروح والي ينزف واكتم في قلبي لين اروح البيت وافرغ كل الي في قلبي
لدرجه صار ماعندي ثقه في نفسي اني اخلف وكل ماافكر في الموضوع وكأن شخص جواتي يتكلم ويقولي مستحيل انك تصيرين ام او تخلفين واصير افكر ممكن يجي اليوم الي اسمع فيه كلمه مبروك لا مو معقوله ومعقول ان بطني بيكبر واحس بكل خرقه في بطني من طفلي واستانس انه فيه قطعه مني تتحرك في بطني ومعقوله اني بتعب واحس بألام الوولاده سواء طبيعي او عمليه ومعقوله اني بسمع صوته يبكي وابكي وياه من فرحتي فيه واضمه واشم ريحه طفلي
لا احس هذا كله حلم في حلم وصعب المنال
بس افكر اشلون هذول الحوامل حملو بسرعة ومن دون تفكير او تتعالج شهر وعندها ثقه انها بتحمل وتحمل وانا ماخليت علاج في مستشفيات وعلاجات واعشاب حتی عند شيوخ رحت ومااقتنعت بعلاجهم ولا كلامهم احسهم خلو فيني حاله نفسيه وفلوس راحت وتعب نفسي وجسدي واكتأب وفي النهايه ماني عارفه اسوي شي واخر شي سويت طفل انابيب وكنت متأمله فيها ان ربي بيرزقني لاني كل ماافكر اسويها ارتاح واحس انها بتنجح لاكن توني متطلعت من صدمة فشلها لان لي يومين بس من فشلها وحتی قبل مااكمل الايام المقرره للعمليه الي هي 14 يوم
لاكن قدر الله وماشاء فعل
واللهم اجبر كسر قلبي وقلة حيلتي وريحني وارزقني من كرمك وفضلك ولا تحرمني
واجرني في مصيبتي واخلفني خيرا منها والحمدلله