خايفة على بنتي

[بسمة أمل 111]

مرحباااا صبايا

ابدأ بمشكلتي من الاول وسبب خوفي انا في محيط عائلة زوجي بنات اسلافي وبنات بنات حماي اعمارهم من 7 الى 12 سنة كلهم بعانو من السمنة الزائدة يعني حجمهم كتير اكبر واسمن من الاطفال بعمرهم وكل ما يكبرو بتزيد مشكلتهم ما بتقل وانا عندي بنوتة عمرها 9 سنوات طول عمرها نحيفة بس من قبل سنة صرت الاحظ عليها انه صارلها شوية كرش وبدأت تنصح انا خايفة اتضل تسمن واتصير متل باقي اقاربها لاني ملاحظة انه السمنة عند الاطفال صايرة مشكلة العصر انا ما بدي اياها تنحف هي كسمها حلو هيك انا بس بدي احافظ على وزنها هيك وما تسمن ومش عارفة شو اعمل معها بحس انها لسة صغيرة على الرجيمات وتخفيف الاكل وبالنسبة للرياضة ما بحس انها محتاجة رياضة لانها لسة طفلة وطول الوقت ابتلعب .....يا ريت اتفيدوني شو اعمل معها انا بدي اعالج المشكلة قبل ما اتصير لانو درهم وقاية خير من قنطار علاج وانا شايفة سلفاتي شو بعانو مع بناتهم وما في اشي نافع معهم