قصة زواجي ،،،،،،،،،،،،،

[موزه فوشيه]

اول مره اكتب موضوع هنا في هذا القسم وحبيب نفرفش سوا معاكم

انا الحمدلله متزوجه من خمس سنوات الحمدلله وام لبنتين الله يصلحهم يارب

قصه زواجي الله يسلمكم ،،،،،

كانت اختي مخطوبه ولانها الكبيره حبيبت اسوي التوزيعات لها وكان فيه زواج اخو زوجي وامي اكيد بتروح له لانهم قرايب وكذا

فقالت لي بتروحين معي قلت لا تعبانه واخواني الصغار ماعندهم احد <<< حنونه من صغري

لما جا على المغرب امي تجهزت على اساس بتصلي العشا ويمشون لان القصر بعيد والطرق زحمه

ما اعرف ايش اللي خلاني انط على امي واقول لها ابروح ،، امي انفجعت قالت وين مايمدي تروحين مشغل ومتى تخلصين

واخوانك

قلت انا رايحه رايحه

وتشوفوني اسابق الوقت عشان اخلص لان ابوي قال لك نص ساعه اذا ماخلصتي ولا مشينا

يالله بس تروشت ونشفت شعري والمكياج في السياره. صلحته

ربي ستر على عيوني ماراحت علي

ما اعرف ايش الحماس اللي خلاني اروح

لما وصلنا القصر. ،،،،

شكلي يفشل شعري نافش كان الكهرب ماسكني والمكياج حدث ولا حرج

وطبعا في الاستقبال ام زوجي سلمت عليها وامي تضحك على شكلي بعدين سحبت علي لان شكلي موشكل زواج

وتمسكني ام زوجي وتدخلني عند بناتها انا قمطت العافيه لان شكلي مهرج

سويت نفسي اني احلى وحده وانا من جنبها

وسلمت عليهم ومزحنا سوا وعدلت شكلي وعدت الليله على خير


بعدها بيومين دقت ام زوجي وخطبتني وانا اضحك لاني اتخيل شكلي لو كنت رايحه لمشغل ومتكلفه هل بتخطبني؟


وعشنا بعدها بسبات ونبات وخلفنا بنات <<< اصلح اكون شاعره

واسفين طولت عليكم

وانتو هل ازواجكم قرايبكم واذا فيه موقف طريف خلونا نضحك سوا ونعيد الذكريات الجميله