اخطاااء ارتكبتيها اثناء الولاده .. افيدنا بتجربه

[طفلة خذت قلبي]

انا الخطا اللي طحت فيه اني رحت مبكر كثير يعني من اول يوم دخلت التاسع قالت فاتح واحد
تخيلوا ما ولدت الا اخر يوم من شهري بس تعذبت قمت كل اسبع اروح او بعض الأوقات اروح مرتين في الأسبوع لان كان فيني طلق خفيف واخر شي رحت قام ينزل علي دم بس تلعوزت رحت من السبت بعد صلاة الظهر ما ولدت الا يوم ثاني 2 الا ربع لا وبعد بعملية بس حرام كان فاتح الرحم 10 وفيني دفع وبنتي بعد فيها دفع بس كانت معترضة وماقدروا يطلعونها الا بعملية حتى بشفاط ما قدروا

ونصيحة بنات الخاص ما اعرف بس اللي بتولد في حكومي تحسب حسابها تأخذ حق البيبي ملابس وحفاضات وفوط صحية لان يذلونج ذل على مايعطونج واخذي معاج علبة رهش علشان يدر الحليب لان مايرضون يعطونج رضاعة يبونج رضعين طبيعي وانتي في البداية مافيج