دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أحلى موني]

لا ياحجازيه انصحك لوجه الله ماتروحين مستشفى الولاده وربي مرررره وسخه وفيها صراصير صح ينظفون العاملات بس من فوق فوق الي مليانه سيراميك بس وربي مليانه صراصير انا ولدتفيها بالبكريه بنتي وربي مانظفوني كويس ولاخيطوني كويس حتى في وصله لحمه نازله من رحمي رحت اكشف عنها قالولي بقايانفاس ولازم عمليه عشان نقطعها لك خفت وماسويتها لان الدكتوره قالت لوحملتي تاني نقدر نخرجها لك مره وحده مع الولاده والله انتبهي منها الولاده زي الزفت والعاملات حراميه يبغالك تنتبهي جدا منهم ياكثر مايسرقون فلوس وجوالات ولاتعرفيهم من كثرهم انا نصحتك وانت كيفك انا اعتبرها غلطه عمري لمن ولدت في الولاده وحتى مايغطونك وانتي تولدين تقعدي اليوم كله فاتحه رجولك ماغير كل شوي تجي وحده تدخل يدها تشوف كم سانتي انفتح والله كل من هب ودب شافني اقول غطوني لاحياة لمن تنادي مررررره ما انسى ايش صارلي فيها