دوالي الخصيه من الجهتين .. في احتمال احمل طبيعي ؟؟

[soso_BH]

مرحبا بنات
شخباركم ان شاء الله طيبين

اخر موضوع لي هني كان عن نقص الحيوانات المنويه عند زوجي
وقبل اسبوعين عرفنا السبب دوالي الخصيه من الجهتين
الجهه اليسرى حجمها 3.5 واليمنى 3

والدكتور عطى زوجي 3 انواع من الادويه يشربها لمده اسبوعين وبعدها يسوي تحليل مره ثانيه عشان يشوف اذا في تحسن او لا
واذا مافي تحسن يلجأ للعمليه
واليوم رحت معاه للدكتور وقالت ان عدد الحيوانات وصل 12 مليون بعد ماكان 9 مليون
والحركه من 40% الى 55% خلال اسبوعين

استانست وايد وقال ان الهرمونات كلها طبيعيه
وقال دام في تحسن حاليا مافي عمليه

عطاه 3 ادويه لمده شهر وهي :
Andriol testocaps
wellma conception
nolvadex

اهو صج فرحت لزوجي بس كلش مافيني صبر انطر بعد شهور مع العلاج وعلى انه يزيد او مايزيد
يعني من كلامه ان زوجي يمشي عالادويه لما احمل
ليش مايسوي العمليه والسلام

من فيكم مرت بهالحاله وهل سمعتوا احد معاه الدوالي وزوجته حملت قبل مايسوي العمليه

ونصيحه مني للي زوجها عنده ضعف سواء من الدوالي او اي سبب
يقطع التدخين نهائيا
حاله زوجي كان السبب الرئيسي من التدخين (الشيشه)
وهو كان خاش عني بس اعترف للدكتور
بط جبدي الله يسامحه


سامحوني طولت عليكم
افيدوني بدعوه او نصيحه