علامات الحمل بيوم الدورة والكلوميد

[عليا ام الشيخة]

السلام عليكم ،،، الله يكتب حق الكل الحمل هالشهر يارب ،، ما لكم بالطويلة ،، انا متزوجة من 5 سنين وعندي بنت الله يحفظها لي وكنت طول عالسنين مانع طبيعي بس يوم قررت احمل ما كتب الله النصيب من 5شهور المهم هالشهر انا أخذت كلوميد 3يوم من الدورة لين 5 ايام ودورتي كل 24 يوم وجاتني شهر مارس يوم 5 والمفروض تجبني اليوم وأحس من كم يوم الم مو طبيعي في صدري وتمدادات في اسفل الصدر وعروق خضرا والم الدورة بالضبط من 6 ايام وكأنها نزلت ويوم اشيك ما ألقاها !!!! انا ما احب اخذ منشطات بس الدكتور عطاني إياها ماحد شي يلخبط الدورة عندي ،،من 3 ايام حللت بول لقيت خط خفيف ومن يومها وانا أحلل والنتيجة نيقاتف وحللت دم يومها وبعد نيقاتف يمكن بدري!!!! ما اعرف وسؤالي هل تعتقدون هذا حمل؟؟؟ ولا الكلوميد لعب فئني وهل الدم ممكن يكون نتيجة سلبيه ايجابيه بمعنى انا حامل ولا بين في الدم؟؟؟؟ بليز بنات حد يشرح لي من تجاربه اللي صائر معاي ،،💗💗💗
انا خايفه يكون خارج الرحم لان مو مبين في الدم