الشاعرة السعودية بنت نجد

[بحــ العيون ــــــــر]

ها أنا اليوم أبحر معكم إلى أرض الوطن واتناول معكم أبداعات الشاعرة بنت نجد.

الشــاعــرة السعودية بــنــت نـجــد إن فن كتابة القصيدة ، فن راق ٍٍ ومعقد في نفس الوقت، حيث يتطلب من كاتبه الصدق في الطرح ، مع العمق في اختيار كلماته ودخول الجو الشاعري لكتابة القصيدة وقبل ذلك كله للغة دور مهم جداً في كتابة القصيدة ، حيث أن اللغة ورصانتها ترتقي بالنص ومستواه الأدبي. وبالرغم من الوفرة في القصائد النسائية إلا إنني من خلال ترصدي ومتابعاتي للأدب النسائي بكافة أشكاله(النثري والشعري) وجدت أمورا وجوانب مميزة تستحق العناية والدراسة الجادة في شعر كثيرين من الشاعرات. استوقفتني كثيرا قصائد لشاعرة إسمها عبير بنت أحمد وأود هنا ان استعرض مميزات وأُطروحات هذه الشاعرة المغمورة لما في شعرها من حس مرهف وواقعية ولغة رفيعة المستوى. إن ما يبهج القارئ في هذا الاحتفاء بالأنثى من طرف الشاعرة عبير بنت احمد يكمن في الخصوصية التي تعطيها لهذه النصوص عندما تستقري مخزونها الثقافي وتمنح نوعا من اللغة الشعرية والروحية الشعرية لقصائدها بالجمع في نفس اللحظة بين التراث والبيئة ضمن بنية لغوية قوية حيوية تخترق المألوف والسائد وطقوس الكتابة العادية وها هي تقول : - يا سيّدي والوصل قطّـاع والهجْر عتّب على دروبه كانك تقول البحر بك ضاع دوك السما بيّ مصلوبـه لاحظ عزيزي القارئ كيف امتزجت اللغة الشعرية والإيقاع الموسيقي للقصيدة هذه الميزة في التناغم بين الشاعرة وبين لغتها يشير الي عبق الحياة وترانيم الامتزاج بين الشاعرة وبيئتها هذا غيض من فيض اكتشفته في قراءة متأنية لعدد كبير من قصائد الشاعرة عبير بنت أحمد فالشفافية واضحة للغاية وقريبة من الواقع الحياتي والوجودي وهي تقول : - جايز اني شاعرة واكتـب احاسيـس ٍ جميلـه بس انا ماني مجرد شاعرة ..ياللـي .. مولّـه مير دامك عاشق ٍ(شِعري )..وأنا بنت ٍ أصيله؟ دوك شِعري..واترك الخافق ترى منتب هل ٍ له إن هذه التساؤلات الواردة في ثنايا هذا المقطع يحمل الشاعرة إلى الغوص في عوالم ومسارات متشعبة يصعب على القارئ الإمساك بتاريخيتها وجذورها وتلابيبها ، تأبى الشاعرة عبير أن تعيش في وهم العشق الكاذب الذي يستميلها بالنجومية والبروز . خلنّي عنّك .. تراني واثقه ما لـك وسيلـه شف لك أيّة شاعره تنشر صوَرها في مجلّة إعرف انك يوم تحلم في غرام المستحيلـة لا تحرّك لك من احساسي .. ولاحرّكت ظلّه كما أن انتقاءها للكلمات ورؤيتها البعيدة للمعنى يرمي بدون شك إلى الرغبة العارمة للتأسيس تجربة خاصة بها بعيدا عن الفجاجة والضحالة التي تميز الكثير من الشاعرات لو تعَزويت الصبر ؟.. ما تكفي الدنيـا دقيقـه ولو تعزويت التجمِّل؟..ملّت الدنيـا الأمانـي؟! يقطع أم الحب كان الحب هذا هـو طريقـه !! ويش ابي بالشمع كان الشمْع يحرق شمعداني؟ أيضا هذه الشاعرة تمكنت في إبراز لغتها الشعرية في قصائد التفعيلة وقلّ أن نجد أنثى استطاعت أن تأسر القارئ في نص التفعيلة إن الشاعرة عبير بنت احمد من خلال قراءتي لها تجعل من الأنثى والماء عنصرين يتناصفان ويتعانقان ويتحركان في تناغم انسيابي فيصبح القول الشعري غير قابل للانمحاء والاندثار والخراب. رحت ابطفي بالبكـا نـار الحريـق واثرنـي طفّيـت عينـي باللهَب !! صاحبي ما عاد لي نفـس ٍ تطيـق وماعلى المحروم من نفسه ...عتَب وفي نص آخر تتوسل الشاعرة بلغة بسيطة للتعبير عن القلق الأنثوي الذي يسكنها لذلك يمكن القول إن هذا النص بما يحويه من لغة شعرية رزينة وقافية شعرية متناغمة يبرز هوية الشاعرة عبير بنت احمد الانثوية المغايرة احترت في أصلي .. أنا شمع .. أو طين ؟! العين ذابت .. وابيض الوجه صافر والضيق / يبدا : من مدى وحدتي لين .. آآآخر حدود الكون عند الأظافر يوم انت عندي .. يغبطونا سلاطين واليوم شح الحظ .. والحزن وافر يا فرق حالي بيننا أمس .. والحين مثل اللي يفرق بين مؤمن و كافر ترجع لـ "جسمي" بالسلامة.. قل آمين وتجيب لي روحي معك يالمسافر ولنقرا هذه المقطع التي تنبجس وتتفجر عبرها ينابيع الحزن الأنثوي للشاعرة لاستشراف أبعاد وآفاق المسكوت عنه في النص في مجلس القلب جا شيـخ الحـزن وارتكـى يقـدع عروقـي وابهِّـر لـه بـدمّـي دِلال هي جت على جرح ؟؟.. عاااادي كل جرح انتكا وش صار مادام شـرب الـدم أمسـى حـلال مليـت يـا صاحبـي طـول الصبـر والبكـا كنـي عجـوز ٍ توفـى لـي ثمانـي عيـال حتى الفرح يـوم شـرَّف .. زارنـي مضنِكـا والله مدري من اللي قـال لـه بـس : تعـال جاريت وقتي على انـه مـن حياتـي شكـا وانا احمِد اللي قِسَم حظـي علـى كـل حـال ايضا لها نص شعري عابق في الرومانسية والجمال نص شعري متميز يحكي حكاية.. شاعرة تتميز بالفكر الانثوي الرائع آسفه .. كنت احسب انك ( قدّ ما آحـبك ) تبيني قلت يمكن تشفق الدنيا عليّ .. و اطري عليك ؟ ما هقيت انك ولا مرّة .... كذا ..... فكرّت فيني يوم انا مالي وجـــود إلا إذا فكرّت فـيك كل ما شفت الشروق.. اقول..هذا انت ْابـتجيني لين ما ذابت شـمـوس الكون من شوقي إليـك @-@@-@@-@@-@@-@@-@@-@@-@ ملخص القول إن عبير بنت أحمد .. شاعرة تملك نصوص جميلة جدا وتملك لغة شعرية متميزة ومنفردة كافية للدلالة على هوية الشاعرة بلغتها الشعرية الشذرية فالشاعرة تقبض براحة يديها على إحساس الأنثى لتتباهى معه ولتفجر المسكوت عنه عبر الزمان والمكان لتخترق المألوف والسائد وتلامس بالتالي مجموعة من القضايا ترتبط بالمرأة وباللغة في ثنائيتها ومفارقاتها ومن المؤكد أن ما تخطه أناملها يستقطب فقط كل المهتمين بالراهن الأنثوي وكذلك الباحثين في مجال سوسيولوجيا المرأة وفي الشأن النسائي لوضع اليد على عمق وجذر الاجواء الشاعرية لدى هذه الشاعرة كذلك الناقد الراغب في دراسة الشعر الأنثوي بكل جمالياته من أطر نظرية أدبية رمزية وبنيوية وتفكيكية وتجريبية لسبر أغوار دلالات نصوص هذه الشاعرة التي تتكئ على نوع من الشعرية @-@@-@@-@@-@@-@@-@@-@@-@ يقول الشاعر عكاشة عن عبير بنت احمد شاعره فعلا أثبتت تواجدها بين شعراء متميزين وهذا راجع لثقتها في نفسها وما تقدمه من نصوص فعلاً استحقت علامة التميز والإبداع ... قد أكون من أول الشعراء الذين عاصروا بروز هذا الاسم النسائي الذي دخل الى الشبكة العنكبوتيه وأدهش الجميع .. وقد أكون ايضاً أول من اختلف معه .. في وجهات النظر في البداية .. ولكن الآن فعلاً هذا الاسم يستحق المتابعة .. وأنا أول متابعيه رغم قلة تواصلي معه .. كان سبب متابعتي له للتأكد من شاعريته.. والتدقيق في الطريقة والأسلوب بين قصيده وأخرى.. مع اني لدي حدس شاعري استطيع فيه التفريق بين لزمة شاعر وشاعر آخر.. ومع استمرار متابعتي وجدتني مدمناً لقراءة نصوص هذه الشاعره ونسيت مسألة التدقيق لأني أصلاً وجدت شاعره حقيقية لها أسلوبها المنفرد والذي لم تقلد فيه احد آخر.. @-@@-@@-@@-@@-@@-@@-@@-@* وتقول عبير عن نفسها .. أنا لم أصنف نفسي ضمن مصاف الشاعرات بعد فكيف أحدد مستواي في سلم الشعر الشعبي ... ولكنني أزعم بأني أسير بخطى حثيثة نحو مستوى ً أفضل بفضل الله في كل فترة شعرية جديدة والحكم لكم أنتم كمتلقين أعطوني ما ترون وأنا راضية به تُعرّف الشاعرة عبير بنت أحمد ( الكأبة ) بتعريف جميل جداً الكآبه لو تبـي معــنى الكــــآبه؟ ناظر فوجهي ..... وتعرف جَـدّها !! في وجوه العـــــالم احزان ٍ تشابه بس في خدِّي ؟؟.. تميـــّـز خدّهــا حدَّني حظي على المر ّ.. ورضـــى به بس ابفهم .. هي عليّ وش حـدّها ؟؟ @-@@-@@-@@-@@-@@-@@-@@-@ وللموت عند الشاعرة عبير بنت أحمد صورة بلاغية اخرى الموت آمنا به إن مات محبوب مير البلا من مات قلبه وهو حيّ ! ما ينفعه لو هو صبر صبر أيوب دام الأماني ما تزيده سوى غي ّ يهرب من الدنيا ولا يلحق ْهروب وتركض له الدنيا ولاااا شافها شي ّ!! @-@@-@@-@@-@* الهّم عند عبير بنت احمد مختلف ايضاً للهم ألفين باب و للفرَج ( ظل ) باب ما يمدي آصلـْـه .. إلا ْوتغرب الشمس أكيد !! يا شين حسّ العَــجَـز والعمْر توّه شباب ويا شيــن موت الرجا والياس توّه وليد @-@@-@@-@@-@* وهنا محادثة من نوع أخر .. بين طفلة وامها يايمه وش بلى حظي عليّ من الصِغر منتوف؟؟ وحزني نافش ٍ ريشه يموق بحظــه وْ زينه؟! يايمه لو تخبــِّـين العنا .. هذا البخت مكشوف وانا من قبل لا أولد ..عرفت اللي تخبينه وانا اذكر يوم قلتي لي طريقك بالشقا محفوف ولكني نسيت اني (وانا اضحك) قلت : " ماشينـه " يسموني حزينه .. لاااا .. أنا هالحزن بي موصوف إلى قالوا (تعبــَّر) ..هاه .. بالله وش تسمــِّينه ...؟؟؟!! ولو يمه تعذبت و صِفقــْـني هالزمـان ْ كفوف انا ادري توّنــي ما ذقــْـت ربع اللي تذوقينه طبيعي من مرارة حاضري .. مستقبلي معروف ولكنه يصير احلى حلى دامك تعيشيــنـه عسى ربي يخلي لي حنانك للأبد موقوف وعسى ربي يخلي لك جميع اللي توِّديـــنه يايمه لو طلبتيــني عيوني .. ما ذخرت الشوف بعذر الجنه إن جت تحت ماطـــا ً .. لو تدوسينه @-@@-@@-@@-@@-@@-@@-@@-@ وللحرف لديها معنى أخر .. نعم وان كانت حروفي "عبير ٍ" للي ما يدرون فـهــي كل الشتات اللي يحاول لمّ أهدافي . . . . . . ليت شِـعري ما كتب صادق حناني لين يعـْـرِف دفتري معنى القرايه من يبي يلقى قصيد ٍ في مكاني يرجع لـْـشِـعري ، يدوِّر له بدايه ...!! @-@@-@@-@@-@@-@@-@@-@@-@ مما لا شك فيه أن الوطن أغلي ما نملك وأكثر ما يمكننا الإنتماء إليه الوطن يا ساده .. ليس شخص بعينه ولكنه روح وكيان يتغلغل فينا يبقي داخلنا وكل منا يحب وطنه ولاشك في ذلك دون تمييز لدين أو جنس ما هو إحساس الانثى عبير ومشاعرها لوطنها ؟ فتقول : - لك الله كم فقدنا لجل عينك يا وطـنـّـا احباب عطوا أرواحهم لجل الوطن سرّ وعلانيـّـه رجال الأمن راحوا..مير هذي قصة ٍ تنساب بأسطــّرها وسام ٍ للفخر ما هيب مرثيــّـه بلادي قصــة ٍ ماهيب قصة حب أو إعجاب شعور ٍ ما حَد ٍ يستوعبــه أو مرّ به زيه بلادي تستحقين العمر نفداك دون حساب نموت ويكفي انـّا نندفن بأرض السعوديـّــه وإذا الواجب أخذ أخلص رجالك..والبعض منصاب؟ ترانا حايرين شلون نعطي أزوَد شــويـّــه مناطق.. كلنا قلب ٍ توّحــد والضلوع ابواب شمالية .. جنوبية .. وشرقــيــة.. وغربيّــة وقوف ٍ كلــنــا سدّ ٍ بوجه المذهب الكذاب ينادي للردى (بإسم الكتائب)..واضح ٍ غيـّـه سمرمد سوّد الله وجههم تبــّـاعـة الإرهاب ودسـّـوا سمـّـهم بين اللحى وش لدغـة الحيـّـه وتفجيــر المحيـّـا توّ جرحه للأســف ما طاب وشوفوا كـــم يتيم ٍ ينتظر من ميـّـته جيــّـه عقول ٍ ما خلقها الله عبث..له حكمة ٍ واسباب ولكن ما خسى غير الخسيس وأسود النيـّــه هذولا فاهمين ان الدمار بشرعهم خــلاّب هذولا غيـّروا معنى "بطوله" لـ "إنهزاميـّـه" هذولا.. لا مبرر منطقي يـفتح لهم هالــــباب ولا دين ٍ يوافقـــهم فالاديان السماويّـه لك الله يا وطن مادام باقي للعيون أهداب؟ بنــــاخذ ثارنا منهم لعينك يالسعوديه لم تتوقف هذه الشاعرة فقط عند حبها لوطنها بل تعدى ذلك.. لمشاركتها في بيان حال امتها بالعيد واذا حنـــــا لقينا للكـسـر يــا عيــدنا تجـبير دخيلك كم من الأيتام ظنك ناسي اللي صار ؟؟ أجل يرضيك هاللي في بلاد المسلمين يصير؟؟! قتل..خوف..ودموع ٍ في عيون ٍ يطلبون الثار وكذلك لم يغب عن نظرها حال القدس ومأساة شعبه قلنا نبي نِِلْبـِس فلسطينَ الوسام قلنا ولكن .. من بقى فيها لبث ؟!! يا قدس لا تحزن إذا حنا نيام حنا نيام .. وبعضنا نايم .. عبث !! نصبح على مقتل ونمسي بابتسام وشلون يصْـدِق من على دينه حنث يا هــوه ياللي تحتري وعد السلام !! ما ينتخى باللي بذا الدنيا شبث يا قدسنا جينا نجــــاهد ... بالكلام خلــــّوا معاني هرجنا تصــبح جدث @-@@-@@-@@-@* لم تكتفي عبير بنت أحمد بذلك فحسب بل ناقشت قضايا هامة في مجتمعنا وهي قضية المرأة في نقد بناء لحال بعض البنات هداهن الله الي طريق الصواب بالتبرج والسفور تمشي ولاهي أبد بالمشـْي ِمتواسيه فالسوق .. والناس تركض تبدي اعجابـــها عبــــاية ٍ لابستــها عاريه كاسيه وشلون اجل لبسها من داخل حجابها ؟ هي مسلمه.. بسّ .. خلـَّت نفسها خاسيه أبوي لو ذيـــك بنته ؟؟ حرَّم إنجابها وين الحشيمة ووين عقولـنـا الراسيه والا النصيـــحــة أبد ماعاد يرجا بها ؟؟ لاقلت وش حكم لبْـسك .. ردّدَت :- ناسيه عبايتــــك – صدِّقــــي من جابها ...! راحت وانا اشوفــها مثل الحصــا قاسيه تلبس قزازة عطر من ريحة حجابها تمشي ولاهي أبد بالمشي متواسيه يمكن لأن البشـــر مانالوا اعجابـــها @-@@-@@-@@-@@-@@-@@-@@-@* وللرثاء عند عبير بنت احمد أغراض شعرية بارزة فيما تكتبه .. فعلاً أنها تستحق لقب ( شاعرة المرثيات ) فهي تتناول المرثية كموضوع مستقل عن ذاته وهي تكتبه بإحاسيس صادقة وعصارة حزن وواقعية تامة وعفوية منسابة وصدق فني وقدرة على التعبير لاحظوا معي قولها : - مـا علـى الدنيـا مخاسيـر وحسـوف مـا بقـى بالطيـب ربـع اللـي خـسـر ذا محمـد راح مــع ســاره و نــوف مــا يــوازي وحـشـة الفـرقـا كـــدر لــو حَـرَمـه الله لا عيـنـه تـشــوف فالجنان الحيييين شـاف اللـي يسـر ّ ذاك يـوم ٍ مالـه بوصـفـي وصــوف ذاهـلـيـن و ينـقـسـم فـيــه الـقـمــر تحـت حـر الشمـس والعالـم وقـوف والكـتـاب يدِينـنـا .. ويـــن الـمـفـر الـبــلا كــــل ٍ بهـالـدنـيـا شــغــوف يــا هـنـى منـهـو تـوعّـظ واعـتـبـر وآآآآه من قلـب ٍ يمـوت بْـلا حتـوف وآآآه مـن عمـر ٍ يضيـع بْــلا عـمـر ثم لاحظ عزيزي القارئ مرثيتها في رثاء الشاعر طلال الرشيد رحمه الله والمسلمين أي عيـد اللي تهـنـّـوني عليه ؟؟؟ عيدكــم هذا ترى ماهوب عيـد عيدكم.. مجرم!! و سفـّاح وسفيه !! مـالقى يقتل سوى ولــد الرشيد ؟! تعجز الأوصــاف تلـقى له شبيـه هو فـقـيد ٍ كن ما غيــره فقيد والعطا لومـا تعلــّم من يديــه ؟ ينقلب معنــاه للحرمان اكيــد وكل هم ٍ ينفـرج لا قـال : ايــه وغير عظمه.. ماخبرنا به شديـد كل ّما سجّـيـت انا فكــّرت فيه وانزف دموعي مثـل دمه وازيد ! هــادم اللــذات .. كل ٍ يحتريه لا رحم شيــخ ٍ ولا خلـّى وليد بس ابفهم ليــه ابونواف ليــه ؟؟ ومن وفاته قاتـله وش يستفــيد !! يا طلال .. الصيد ماكـنـّـا نبـيه رايح ٍ بتصيد..والصيّـاد صِـيـد للحزن فيـنا ملايـيـن الوجيــه وانت عنـد الله بحول الله سعيـد رحمـتك يارب .. يـامن نرتجيـه يالله انك تـقـبله عندك شهـيـد ضيـفك اللي جاك عابد ..لا تجيـه.. .. نارك اللي قولها:" هل من مزيد " ؟! والفراق الله يصـبـّرنـا عليــه عظـّم الله أجرنا واجر القصيـد @-@@-@@-@@-@* لاحظوا معي هذه المرثية والصور البلاغية فيها .. أحس إن الدموع اعمَـت عيوني والعذاب انواع ولكن ّ الفجيعه أعظم اْمــن الـهـــم بانواعه وحنا كالورَق لامن تهاوى ..والشجر مرتاع وكلْ وحده تــّحرى دورها والأرض طماعه لك الله وش لقينا فالحياة إلا غدر وخداع لك الله كم غبطنا ميــِّـت ٍ محموده اطباعه وهذي حكمة الخالق وكل ٍ للقدر ينصاع وهذي سنة الدنيا إليــما حزَّة الســـاعه كذلك هذه المرثية الرائعة .. ما شِفت وافي مثلما الموت بالجود لا مات نشمي مات عقبه عضيده يا كود شعْر ٍ ما بَلَغ وصـفهم كود ماتوا و عاشت هالقصايد زهيده الجسْم ِ ناحِل غادي ٍ عقبهم عـُود حفـنة عِـظام ٍ تكتسيها قصيده و العقل غايب بس بالإسم موجود والدمع يمسح كحـْْلِ عيني بإيده يا عزتــالي فـرَّق الموت عنــقود ليت إنّ فرقا الروح عنهم تحيده شدِّيت عزمي وانقطع عزم مشدود ظنـِّي أطارد و اثـري اللي طريده مقرود منهو (يحسب الحظ مقرود) الحظ هُو هو...بس حنـّا نعيده البندق اللي ما يعَبـّا بّبارود تفنى حياته و الصِّدا في حديده أشكي على اللي ما خِشِـر معْه معبود يرحم شيوخ ٍ كلهم من عـَبيده الموت حق و كلنا نشهد اشْـهود يا ربِّ تجعل خاتِـمَتـنا سعيده @-@@-@@-@@-@@-@@-@@-@@-@* تحاول عبير بنت أحمد في نصوصها ان تعالج المضمون الذي يربك القصيدة احياناً عن طريق السخرية فهي علاج ناجع نشاهدها في هذه القصيدة التي اسمتها حلول اللغز يامعجب / تقول انك لشعر النسا منحاز ياليتك / توفــّر هالمشاعر / ورايك .. لك مرزز / ميَـة صورة / تـِقِـل " صالح العزاز " !! تبيــنا / ندقق في كلامــك / أو فـ شكلك ؟ على بــالك ْا عيونك معـاها / حلول ألغاز تـَحَسب ان ازارير العذارى / تــّــفـكك لك !! ترى لي / حميـّــة شيخ .. ولي فالشرَّف مركاز وحجـة محبـَّـتـْـك الشـِّـعِر.. ما / تملـِّك لك تحديتــنـي يمكن .. ولكن من اللي فاز على الرغـــم من ألفين مبدع / مشارك لك اذا انــّك وصلت لـ وزن مطلع ؟.. وصلت انجاز وعشرة كسور ٍ في القصيدة / تضاحــكـلك تبـــي تفهم المغزى : عط الخبز للخباز (فـلاحد سمع بالذائقة ) .. يشتهي أكلك وانا عادتــي ما احط بالي للإستفزاز بس انـي أبيك ْاتشوف غيره / يشبِّـك لك وخذها من العطر.. الصراحة بكل إيجاز لوإنـــك تخلي النت كله .. ترى ابرك لك @-@@-@@-@@-@@-@@-@@-@@-@* كذلك قصيدة نفرتيتي التي كانت غاية في قصائد السخرية لي صاحب احلام ورديّـه له كل كلي / ولي صيتي ماشفت انـا مترف ٍ زيّه دلـّوع يــاناس تربـيتي !! يضحك وانا احكي بجديّه واحيان يبكي لـ تنكيتي ولا صرت ويـّـاه رسميـّه؟؟ قال انتِ وش جاك صدّيتي واعَـدته..ْولاحضـَر ضيّـه ويقول لي: ليه ما جيتي ! كم له يواعدني بـجيـّه ولاقد سأل وين هو بيتي عندي اختبارات يوميّه ما قالـلي كيف سويتي وإن جبت ميــه على ميّه قال اشكريني على (شيتي) ! ولو شاف شَعره رماديّـه قال الســبب يوم حبيتي لا ؟ .. ويبيني رومنسيّه !! ولاهو سعودي ولا كويتي كبــَّر مواضيع عاديّـه مفروض تنحـل سُـكـّيتي ولو عنــّـه أتأخر شويّه قال (انتي اللي تخلّيتي ) .. .. لو تتركين المزاجيّه صرتي كذا وان تغلـّيتي !! وارجع لحبـــّه بحنيـّـه ويرجع لجَـمعي وتشتـيتي هو فاهم إنّـني جنيــّه ماشاف والله عـفــاريتي محناب رجّـال وبنيــّـه فرعون عاشق نفرتيتي !! لو قلت فالحب مرثيـّـه عـوَّد غلاه و شطب بيتي ليتي مـعـه دامني حيّـه ياليت.. ليته (مثـِل) ليتي مير إني مدري وش النيّه شكله مخطط على صيتي @-@@-@@-@@-@@-@@-@@-@@-@ كذلك هذه الابيات التي استغلت قافيتها لتكون بلغة اخرى ( انجليزية ) فاختباري كنت ابكتب No .. صارت .. yes !! و (إسمي) .. صرت اغشــّه !! من كثر ما صعّبوا حلّـه ذكرت الله وانا اهوجس ...... عسى ماهوب هذا مسّ ؟ أو احدٍ ما ذكر ربــي عليّ .. وعلــّني عِـلــّـه ؟! فـ رحت لألف شيخ ٍ ثــــم مريت اربعمْـيَـة قسّ .. وصار ان البلا اللي فِـي ّ .. ماله للأسف مِـلــّه !! الشاعرة / ( بنت نجد ) عبير بنت أحمد وسلامتكم،،،