تكيس المبايض و ضعف المبيض

[ad4ever]

السلام عليكم و رحمة الله و بركاته

انا عضوه جديده هنا و ان شاء الله نكون أخوات و اكثر

انا متزوجه الان لي سنه و شهر بالهجري

و عمري 20 سنه

انا عادة لما الدورة تجيني تجلس 6_7 أيام تقريبا

حكايتي انو بعد 4 شهور من زواجي تأخرت عليا الدوره أسبوعين و كنت انام بشكل مفرط يعني انام 12_14 ساعه باليوم في هذيك الفتره لدرجة اني شكيت باني حامل .. و أول مره تتأخر عليا بالشكل هذا و حللت دم بعد اربع أيام من تأخرها و طلع سالب.. و نزلت عليا و جلست أسبوعين تنزل و أول مرا تطول بالنزول حدها سبع أيام اذا مره طولت .. و بعدها بشهرين رحت للدايه قالت عندك نزول و ميلان بالرحم و مرختني لمدة ثلاث أيام .. الشهرين اللي بعدها يعني لما أكملت 8 شهور من زواجي سارت الدوره عندي ملخبطه بشكل .. قلت لازم اروح للدكتوره تنظم لي الدورة .. رحت للدكتورة و سوت لي تحليل حمل و طلع سالب .. وعملت لي اشعه تلفزيونية و قالت انو عندي تكيس بالمبيض .. سألتني كم كان وزني لما اتزوجت و كم سار بعد ثمانيه شهور .. قلتلها زادت 15 كيلو .. قالت لازم تساعديني في انقاص وزنك واصبري الين تنزل الدورة عشان اعمل لك تحاليل .. فعلا لما رجعت البيت نزلت الدورة و رجعت للدكتورة اليوم الثاني .. و عملت لي التحاليل .. و طلعت النتائج انو عندي ضعف في المبيض و ضعف بالغدة النخامية و الحمد لله على كل حال .. و صرفت لي دوفاستون و ميتفور (الميتفور قالت لي استخدمه إلى ان يسير حمل ان شاء الله ) داومت عليه كم أسبوع و ماقدرت لأنو سبب لي الام في البطن حسيت انو بطني تشنج .. و الشهر اللي بعدو صرفت لي كلوميد و دوفاستون و لاني استخدمت بالغلط علبتين من الكلوميد قالت عندك بويضات كثيره .. و الشهر اللي بعدو صرفت لي دوفاستون و نولفادكس .. و الشهر اللي بعدو صرفت لي نولفادكس و ابر منشطه بس ما استخدمت الأبر .. لاني خفت و قلت لسا بدري ع الأبر .. يعني وقتها لسا ما أكملت سنه من زواجي .. و قابلت وحده قالت لي انها استخدمت وصفه (طلع النخل .. و حبة بركه مطحونه .. و عسل سدر اصلي) تقول مره استخدمتها هيا و زوجها شهرين و حملت سبحان الله بس ما تم الحمل و رجعت استخدمتها خمس شهور و حملت ما شاء الله تبارك الله .. الشهر هذا لما اصحى من النوم احس حرارتي مرتفعة من بعد انتهاء الدورة إلى اليوم و هيا تنزل و تطلع و نوم بشكل مفرط و اليوم جاني دوخة و غثيان و باقي ع الدورة أسبوع .. هي تجيني كل 35 يوم تقريبا .. بغيت اسأل مين اللي كانت حالتها نفس حالتي و حملت ؟

الله يرزقنا الذرية الصالحة يا رب